Prokuror Nelli Fabriçnayaya 11 il həbs istəyib

Bakı/04.04.23/Turan:  Bakı Ağır Cinayətlər Məhkəməsində “Murov” şirkətinin sahibi Əfqan Zeynalovun şirkətin keçmiş kadrlar şöbəsinin müdiri Nelli Fabriçnayaya qarşı iddiası üzrə məhkəmə başa çatıb. O, atasının mənzilində quraşdırılmış Zeynalova məxsus seyfdən 720 min manatdan çox pulu oğurlamaqda ittiham olunur. “Murov” şirkəti dövlət şirkətilə müqavilə əsasında Kəlbəcərdə yol-tikinti işləri aparır. Fabriçnaya pulların mənimsənilməsini inkar edir.

Aprelin 4-də hakim Faiq Qəniyev Fabriçnayanın istintaqdakı ifadələrini oxumağa davam edib, çünki Fabriçnaya Ağır Cinayətlər Məhkəməsində çıxış etməkdən imtina edib. Fabriçnaya  və Zeynalov arasındakı telefon danışıqlarının  audiodiski dinlənilib. Telefon söhbətindən aydın olur ki, şirkət sahibi tabeliyindəki işçini dəfələrlə döyüb, onu günahını etiraf etməyə məcbur edib, şirkətin pulunu digər adamlara verməyi əmr edib. Fabriçnaya Zeynalovdan və onun ailə üzvlərindən qorxub, onun tələblərinə tabe olub. Belə ki, o, hansısa Raufa 20, 50, 120 min manat verib, sonra Zeynalovun təkidilə Nelli  Raufa böhtan atıb, Mehribanı Zeynalova qarşı əlbirlikdə ittiham edib. Şirkət sahibi həmçinin Nellinin atasını hədələyib, o, Mehribanı ona 70 min manat verməyə məcbur edib.

Hakimin istintaq materiallarından mətni oxunması Fabriçnaya və Zeynalovun emosional reaksiyaları ilə müşayiət olunub.

Sonra hakim iştirakçılara Zeynalovun ona təqdim etdiyi videoqeydi dinləməyi təklif edib. Fabriçnayanın vəkili Qəzənfər Rzayev müdafiə tərəfin barəsində bilmədiyi bir qeydin dinlənilməsinə etiraz edib, lakin hakim təkid edib.

Mətbuat üçün ayrılmış arxa sıralarda telefondakı qeyd, həmçinin  proses iştirakçılarının söylədikləri eşidilməyib. Zaldakı mikrofonlardan və monitordan istifadə edilmir.

Bu     qeydi şərh edən Fabriçnaya deyib ki,  Əfqan onu döyürdü, ondan qorxurdu və onun kameraya baxmadan danışması və şefin dediklərini təkrarlaması qeyddə izlənilir. Qeyd olunmuş telefon danışığında Zeynalovun əmrilə Nelli şirkət işçilərinə böhtan atıb, onları  məsuliyyətdən azad olmaq müqabilində cinayətdə iştirakda ittiham edib. Qeyd gecə saat ikidə aparılıb, Fabriçnaya hakimə deyib.

İttiham tərəfinin vəkilinin sualını cavablandıran Fabriçnaya etiraf edib ki, ona qarşı zorakılığa görə Əfqan Zeynalovdan şikayət etməyib.

Bu zaman proses tabeliyində olan keçmiş işçini təhqir edən Ə. Zeynalovun replikaları ilə müşayiət olunub. Müdafiəçi G.Rzayevin iradına cavab olaraq Əfqan ona tərəf dönüb və çirkin söyüşlər söyüb. Məhkəmə konvoyları biznesmenin söyüş söyməsinin qarşısını alıblar,  hakim Zeynalova şifahi xəbərdarlıq edib. Hakim Zeynalovun təhqirlərilə bağlı Q.Rzayevin etirazına reaksiya verməyib.

Məhkəmə  başa çatdıqdan sonra vəkil Rzayev Ağır Cinayətlər Məhkəməsinin sədrinə şikayət və Baş Prokurorluğa müraciət edib. Rzayev Turan-a bildirib ki, hakim Qəniyevdən və məhkəmə zalında xidməti vəzifələrini icra edən vəkilə qarşı Əfqan Zeynalovun təcavüzü və təhqirlərilə bağlı şikayət göndərilib.

Məhkəmə zalonda sakitlik bərpa edilib və ittiham tərəfi məhkəmə prosesinin dayandırılması və işin yeni istintaqa qaytarılması üçün vəsatəti oxuyub. İttiham tərəfinin vəkili deyib ki, bu məhkəmə 2020-2021-ci illər hadisələrinə dair epizodları nəzərdən keçirməyib, ittiham versiyasına görə, Fabriçnaya Zeynalovu zəhərləməyə, pul oğurluğunu gizlətmək üçün həyati təhlükəli dərmanlarla öldürməyə cəhd edib. İttiham tərəfinin vəkili hakimlərin diqqətini Fabriçnayanın ifadələrindəki ziddiyyətlərə, Zeynalovun pullarının xeyriyyəçiliyə xərclənməsi iddiaları ilə bağlı şübhələrə yönəldib. Vəkil Nellinin istintaqdakı ifadələrini oxuyub, onlardan görünür ki, o, Zeynalovun ailəsinin onun müalicəsində iştirakına qarşı olub. Xatırladıb ki, işdə Zeynalovun zəhərlənməsilə bağlı ekspertiza arayışı var. "Onu kim zəhərlədi? Bunu Fabriçnayanın etdiyinə şübhə var", - ittiham tərəfin vəkili deyib.

Sonra Zeynalov ayağa qalxıb və barmağını hakimə tərəf yönəldib silkələyərək xəbərdarlıq edib ki, əgər vəsatət rədd edilərsə, Ali Məhkəməyə gedəcək və işin yeni istintaqa qaytarılmasına nail olacaq.

Vəkil G.Rzayev etiraz edərək açıqlama verib ki, ittihamın bu hissəsi araşdırılıb və istintaqda təsdiqlənməyib, çünki Fabriçnaya Zeynalovu həkimin təyin etdiyi dərmanlarla müalicə edib. Qısa müzakirədən sonra hakimlər qərara alıblar ki, yeni istintaq olmayacaq, yəni Fabriçnaya tamah məqsədilə şirkət rəhbərini öldürmək niyyətində və cəhdində ittiham olunmur.

Gün prokurorun çıxışı ilə başa çatıb. Dövlət ittihamçısı Fabriçnayanı Azərbaycan və Amerika valyutalarında 720 min manatdan çox pul oğurluğunda (100 min manatdan çox məbləğ sahibinə qaytarılıb) günahkar bilib.  Prokuror məhkəmədən onun istintaq təcridxanasında olduğu vaxtı nəzərə alaraq  11 il həbs cəzasına məhkum etməsini istəyib.

Proses aprelin 10-da hökmün oxunması ilə başa çatacaq.

Bu proses haqqında əvvəlki məqalələr:

“Murov” şirkətinin işi üzrə prosesdə məhkəmə iştirakçılarına və jurnalistlərə təzyiqlər baş verir

Şübhəli məhkəmə

Bakı Ağır Cinayətlər Məhkəməsində Turan agentliyinin ünvanına ittihamlar səslənib

Şahidlər “Murov” şirkətində pul oğurluğunu təsdiqləmirlər

Bəzi məhkəmələr humanistləşdirilmə ilə bağlı prezidentin sərəncamını icra edirlər, bəziləri yox

Şübhəli məhkəmə: İttihamçının bacısı prosesə kidneppinqlə bağlı yeni detektiv qeydləri təqdim edib

İttihamçı Zeynalov məhkəmədən işin yeni istintaqa qaytarılmasını xahiş edir

Ağır Cinayətlər Məhkəməsində ittihamçı hakimin yanında şahidi hədələyib

Nelli Fabriçnayanın işi üzrə məhkəmədə okkultist ortaya çıxıb

İttiham tərəfinin yeni vəkili öz müvəkkilinə qarşı faktları üzə çıxarır

Şübhəli məhkəmə: Şübhələr getdikcə artır

Vəkil məhkəmədə "sevgili" sözünün işlədilməsinin əleyhinədir. Hakim razılaşıb

Məhkəmə “Murov” şirkətində əxlaq və pullar haqda ifadələri dinləyib