Prokuror NİDA hərəkatı fəallarının 6,5-8,5 il müddətinə azadlıqdan məhrum edilmələrini istəyib
Cümə axşamı Bakı Ağır Cinayətlər Məhkəməsində NİDA hərəkatı fəallarının işi üzrə prosesdə gözlənilən prokuror çıxış edib.
İclasın əvvəlində hakim Cavid Hüseynov iki sənədi oxuyub və sübutların araşdırılmasının başa çatdığını bildirib.
Praktikaya zidd olaraq prokuror Neymət Əvəzov çıxışın hazırlanması üçün vaxt istəməyib və ittihamnamə ilə çıxış edib.
O, müttəhimlərin ittihamnamənin bütün bəndləri ilə təqsirli bilinməsini və Zaur Qurbanlı, Rəşadət Axundov və İlkin Rüstəmzadənin 8,5 il müddətinə azadlıqdan məhrum edilməsini istəyib.
Rəşad Həsənov, Bəxtiyar Quliyev, Məmməd Əzizovun 8 il, Üzeyir Məmmədlinin 7,5 il, Şahin Novruzlunun 6,5 il azadlqdan məhrum edilməsi istənilib.
Prokurorun çıxışından sonra Rəşad Həsənov ona replika hüququndan istifadə imkanlarının verilməsini xahiş edib, lakin hakim imtina edib.
Bundan sonra R.Həsənov bildirib ki, müttəhimlər həbsi qanunsuz hesab edirlər və prokurorun çıxışına etiraz olaraq müddətsiz aclıq aksiyasına başlayacaqlar.
“Azad olunana qədər aclığı davam etdirəcəyik”, - o vurğulayıb.
Növbəri iclas aprelin 22-nə təyin edilib.
Vəkil Fariz Namazlı prokurorun çıxışını şərh edərkən bildirib ki, məhkəmə istintaqı müttəhimlərin günahını sübuta yetirməyib.
“Bu, siyasi prosesdir. Lakin prokuror heç olmasa Quliyev və Rüstəmzadənin üzərində “xuliqanlıq” maddəsi üzrə ittihamı (Harlem Shake fleşmobu ilə əlaqədar) götürməlidir, çünki bunun heç saxta ittihamlara da aidiyyatı yoxdur”, - o qeyd edib.
8 müttəhim 2013-cü ilin mart-aprel aylarından həbs olunub. Onlar orduda qeyri-döyüş itkilərinə etiraz olaraq martın 10-da keçirilən aksiya zamanı kütləvi iğtişaşların təşkilində ittiham olunurlar. Onlara qarşı həmçinin qanunsuz partlayıcı və narkotik maddənin saxlanması ittihamı irəli sürülüb. Amnesty International həbs olunanları “vicdan məhbusu” adlandırıb.--16D06-
-
- İqtisadiyyat
- 17 Aprel 2014 14:17
-
- Siyasət
- 17 Aprel 2014 15:52
Cəmiyyət
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
-
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
-
Azərbaycanlı iqtisadçılar qrupu, keçmiş millət vəkili və iş adamı Nazim Bəydəmirli üçün həbs-qətimkan tədbirinin dəyişdirilməsinə yardım göstərməsi üçün Prezident İlham Əliyevə müraciət edib.
-
İyulun 20-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Şimal-şərq küləyi əsəcək.
Rəy yaz