Prokuror O.Gülalıyevin oğlunun şərti cəzaya məhkum edilməsini istəyir
Xətai rayon məhkəməsində hüquq müdafiəçisi Oqtay Gülalıyevin yetkinlik yaşına çatmamış oğlu Əli Gülalıyevin işi üzrə proses yekunlaşmaq üzrədir.
Əli 2013-cü il sentyabrın 20-də təhsil aldığı 165 nömrəli məktəbdə davada iştirak etməklə xuliqanlıqda ittiham olunur. İş üzrə zərərçəkmiş kimi məktəbin şagirdi Bayram Sultanlı keçir.
Qeyd edək ki, Ə.Gülalıyev özü bir müddət əvvəl naməlum şəxslər tərəfindən döyülüb və yaralanıb, amma bu iş hələ də araşdırılmayıb.
Bugünki iclasda məlum olub ki, zərərçəkmiş şikayətini geri çəkib. Dörd şahid hadisənin şahidi olmadığını bildirərək, polisin təzyiqi altında ifadə verdiklərini bəyan ediblər.
O.Gülalıyev və demokratik ictimaiyyət nümayəndələri bu məhkəmənin onun ictimai-siyasi fəaliyyətinin nəticəsi olduğundan əmindirlər. Xüsusən, yeniyetmənin atası Milli Şuradan prezidentliyə namizəd Cəmil Həsənlinin mətbuat katibi olub.
Prokuror yekun çıxışında şahidlərin ibtidai istintaqa verdikləri ifadələrə əsaslanaraq, təqsirləndirilən şəxsi 1 il müddətinə şərti azadlıqdan məhrumetmə cəzasına məhkum edilməsini təklif edib.
Lakin təqsirləndirilən şəxs və atası bəraət hökmü çıxarılmasını tələb ediblər, belə ki, heç bir şahid yeniyetmənin təqsirini təsdiq etməyib.
Hökmün elan olunması oktyabrın 30-na təyin olunub. -06В-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz