Prokuror Quba hadisələrinin 8 iştirakçısı barəsində ittiham hökmü çıxarmağı təklif edib

Quba rayon məhkəməsində 1 mart Quba hadisələrində ittiham olunan 8 nəfərin işi üzrə bugünki prosesdə dövlət ittihamçısının çıxışı olub. Prokuror Roza Şıxəliyeva məhkəmədən Fərhad Əbdürrəhmanov və Samir Xanməmmədovu 6 il azadlıqdan məhrumetmə, Səxavət Ələsgərovu 5 il 3 ay, Samir Talıbov, Alxas Danyalov, Mətləb Dadaşov, Sərvin Çobanov və Murad Zakirovu 5 il həbs cəzasına məhkum etməyi istəyib. Bu barədə Turan-a Helsinki Vətəndaş Assambleyası Azərbaycan Milli Komitəsinin regional nümayəndəsi Avtandil Məmmədli bildirib.

Müttəhimlər əmlakı qəsdən məhv etməkdə, ictimai asayişi pozmaqda, polis əməkdaşlarına qarşı güc tətbiq etməkdə ittiham olunur.

Lakin onlar təqsirlərini qismən qəbul edirlər. Təqsirləndirilən şəxslər və müttəhimlərin doğmaları prokurorun təklif etdiyi cəza tədbirlərinə qarşı etirazlarını bildiriblər.

Növbəti məhkəmə iclası dekabrın 11-də keçiriləcək.

Elə həmin gün Quba hadisələrində ittiham olunan daha 9 nəfərin işi üzrə proses keçiriləcək. Bir müddət əvvəl prokuror onlardan birinin 6, digərlərinin 5 il həbs cəzasına məhkum edilməsini təklif edib.

Quba rayon məhkəməsində iş üzrə daha 7 təqsirləndirilən şəxsin işi üzrə proses davam edir.

Quba hadisələri ilə əlaqədar digər 6 şəxs, o cümlədən şəhər bələdiyyəsinin sədri Elxan Əliyev, “Xəyal TV” regional Quba televiziyasının icraçı direktoru Vüqar Qonaqov və Zaur Quliyev də istintaq altındadır.

Martın 1-də minlərlə Quba sakini mitinqə çıxaraq, İnternetdə yerli sakinləri təhqir etdiyini əks etdirən videosüjetlə əlaqədar rayon icra hakimi Rauf Həbibovun istefasını tələb ediblər. Aksiya iğtişaşlara çevrilib, Həbibovun villası yandırılıb, rayon icra hakimiyyətinin binasına ziyan dəyib.

Növbəti gün Həbibov rayon icra hakimi vəzifəsindən azad edilib. -06B-

 

Rəy yaz

Cəmiyyət

Navalnının ölümü: Siyasi məhbusların həyatına görə kim məsuliyyət daşıyır? – Bəşir Süleymanlı Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti