![Rəsmi Bakı Güney probleminə laqeydlikdə ittiham edilib](https://turan.az/resized/media/2012/main/120500020385-750-500-resize.webp)
Rəsmi Bakı Güney probleminə laqeydlikdə ittiham edilib
Dünya Azərbaycanlıları Konqresi (DAK) çərşənbə günü “Güney-Quzey Azərbaycan əlaqələri və perspektivlər” mövzusunda dinləmələr keçirib.
DAK sədri Azərbaycanda Güney Azərbaycanla bağlı araşdırmalar, Güney Azərabycanın milli, mədəni, sosial, insani haqlarla bağlı probelmlərini ortaya qoyan kitablar yazılmamasına toxunub. Azərbaycana gələrək təhsil alan güneyli gənclərin çoxsaylı problemləri olmasına diqqət çəkilib. Rəsmi Bakı güneyli tələbələrin problemlərini həll etməkdə maraqlı olmamaqda ittiham edilib. Bəzən güneyli tələblərə yardım etməmək üçün hansısa güneyli tələbənin “İrana işləməsi” kimi mülahizələr irəli sürüldüyü vurğulanıb. Güney Azərbaycanın Quzeylə əlaqə saxlamasında əlifba, dünyagörüşü kimi problemlər olduğu xatırladılıb. Ən başlıcası, bu problemləri aradan qaldırmağa millətin daxilində müqavimət olmadığı yada salınıb. Güney Azərbaycan türklərinin milli, təhsil, insan haqları və s. kimi köklü problemlər yaşadığı nəzərə çatdırılıb.
Azərbaycan dövlətinin Güney Azərbaycan məsələsinə münasibəti olmaması deyilib. Rəsmi Bakının belə məsələlər üzündən İranla münasibətlərin pozulması kimi xof yaşadığı söylənilib. Avropa dövlətlərinin İranda insan haqlarının pozulması haqda BMT-nin qətnaməsinə səs verdiyi halda, rəsmi Bakı İranda insan haqlarının pozulmadığını iddia edib.
Güney Azərbaycanla əlaqələr “bazar səviyyəsində əlaqələr” kimi dəyərləndirilib. Güney Azərbaycan türklərinin mədəniyyət, incəsənət, ictimai xadimlərinin Azərbaycanda bir görüşünün belə keçirilməməsinə narazılıq ifadə olunub. Avropa dövlətlərinin parlamentlərində “Güney məsələsi” gündəmə gətirildiyi halda, Azərbaycan parlamentinin bu məsələni bir dəfə belə gündəmə gətirməməsinə toxunulub. Bu məsələnin həlli üçün ölkənin vətəndaş cəmiyyəti institutlarının aktiv fəaliyyətə keçməsinə zərurət yarandığı vurğulanıb.
Güney Azərbaycandan, Türkiyədən olan natiqlər rəsmi Tehranın Güney Azərbaycanın kürdləşdirilməsi siyasətinə rəvac verdiyini deyiblər. İnsanların zor gücünə torpaq paylarını kürdlərə satmağa məcbur edildiklərini bildiriblər. Bu sırada Urmiyada durumun xüsusilə ağır olduğu yada salınıb. Xalqın bu zorakılığa cavab verməsi üçün imkanlara malik olmadığı xatırladılıb.
Natiqlər Güney Azərbaycanda durumu müzakirə etmək və cari mərhələdə hansı tədbirlərin lazım olduğunu müəyyənləşdirmək üçün bütün siyasi partiya və ictimai birlilərin iştirakı ilə Güney Azərbaycan Forumu keçirmək təklifi səsləndiriblər. -05C-
-
- Siyasət
- 5 Dekabr 2012 17:48
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz