Baş Prokurorluq İntiqam Əliyevin ofisində axtarış zamanı götürdüyü materialları geri qaytarıb. Bu materiallar vətəndaşların Avropa İnsan Hüquqları Məhkəməsindəki işlərinə aiddir. Bu barədə Turan-a vəkil Cavad Cavadov bildirib.
Şənbə günü o, Baş Prokurorluğun İstintaq İdarəsinə dəvət olunub. AİHM-ə aidiyyatı olan sənədlər vəkilə verilib. Vəkilə üç çanta material verilib və bu da Əliyevlər ailəsinə çatdırılıb.
Həmin materialların qaytarılması barədə məsələ ötən həftə Avropa Şurasının insan hüquqları üzrə komissarı Nils Mujnieksin baş prokuror Zakir Qaralovla görüşündə qaldırılıb.
Bununla yanaşı vəkil İ.Əliyevin səhhətindən narahatlığını bildirib. Belə ki, cümə günü məhkəmə zamanı onun ayaqları tutulub və təcridxanaya aparılıb.
Qohumlarının sözlərinə görə, hazırda İ.Əliyev kamerada həkim nəzarəti altındadır.
* İntiqam Əliyev avqustun 8-də vergidən yayınmaq, vəzifə səlahiyyətindən sui-istifadə və qanunsuz sahibkarlıqda ittiham olunaraq həbs edilib.
O, ittihamları rədd edərək bunları siyasi motivli hesab edir. İ.Əliyev Amnesty İnternational hüquq-müdafiə təşkilatı tərəfindən “vicdan məhbusu” kimi tanınıb. Onun həbsinin əsl səbəbi Avropa məhkəməsində vətəndaşların hüquqlarını müdafiə etməsidir.-16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz