![Prokurorluq dörd jurnalistin ölkədən çıxma qadağasını ləğv edib](https://turan.az/resized/media/2019/main/050600018675-750-500-resize.webp)
Prokurorluq dörd jurnalistin ölkədən çıxma qadağasını ləğv edib
Bakı/06.05.19/Turan: Bazar ertəsi dörd jurnalist Baş Prokurorluğun Ağır Cinayətlər üzrə Istintag İdarəsinə dəvət olunub. Onlara 4 il (2015-ci ildən) qüvvədə olan ölkədən çıxış qadağasının ləğv edildiyi bildirilib.
"Bizi Baş Prokurorluq İdarəsinin rəisi Eldar Əhmədov dəvət edib və zərurətin aradan qalxması ilə əlaqədar ölkədən çıxış qadağasının ləğv edildiyi barədə öz imzaladığı bildirişi təqdim edib", deyə jurnalist Natiq Cavadlı Turan agentliyinə bildirib.
Ondan başqa İzolda Ağayevaya, Səlimə Cəlilovaya və Rasim Qaraça da belə bildirişlər verilib.
Yaxın gələcəkdə nə vaxtsa "Meydan TV" üçün materiallar hazırlamış ən az 8 jurnalistin də ölkədən çıxış qadağasının ləğv ediləcəyi gözlənilir.
Xatırladaq ki, ölkədən çıxış qadağası Berlində yerləşən "Meydan TV" internet resursu ilə əməkdaşlıq edən bir qrup jurnalistə qarşı cinayət işi ilə əlaqədar tətbiq edilmişdi.
Bütün bu illər ərzində 10-dan çox jurnalist vaxtaşırı Baş Prokurorluğa dindirməyə çağırılır, burada onlardan "Meydan TV"nin maliyyələşmə mənbəyini açıqlamaları tələb olunurdu.
Bir çox beynəlxalq təşkilatlar "Meydan TV" ilə əməkdaşlıq etmiş jurnalistlərin hüquqlarının pozulmasına görə hakimiyyəti kəskin tənqid ediblər. -02B-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz