![Azərbaycanlı alpinist dünyanın ən yüksək zirvələrindən birinə dırmanmağa hazırlaşır](https://turan.az/resized/media/2019/main/050600018676-750-500-resize.webp)
Azərbaycanlı alpinist dünyanın ən yüksək zirvələrindən birinə dırmanmağa hazırlaşır
Bakı/06.05.19/Turan: Məşhur Azərbaycanlı alpinist İsrafil Aşurlı Himalay dağlarının ən yüksək zirvələrindən biri olan Lxotzeni (8511 m) fəth edəcək ekspedisiyanın tərkibində Nepaldadır. Bu dağ dünyanın ən yüksək zirvəsi olan Everestin bilavasitə yaxınlığındadır.
Baza düşərgəsində (5600 м) iki həftə qalan Aşurlı alpinist qrupunun tərkibində 2-ci düşərgədə ( 6400 m ) akklimitizasiya yürüşləri edib.
Hazırda bu bölgədə bir neçə gündür güclü külək davam edir və alpinistlər dağa dırmanmaq üçün havanın düzəlməsini gözləyirlər.
Aşurlının sözlərinə görə, bu mövsümdə Nepal höküməti 77 əcnəbi alpinistə Lxotzenin fəthi üçün və daha 375 nəfərə Everestə dırmanmaq üçün icazə verib. Amma hələlik heç kim fəthi həyata keçirməyib.
"Ümid edirəm ki, hava sakitləşəcək və bizim təxminən 7800 metr yüksəklikdə dördüncü düşərgəni qurmağımıza və oradan zirvənin fəthinə keçməyimizə imkan verəcək. Nə qədər ki, hava şəraiti pisdir, alpinistlər istirahət edir, fəthə hazırlaşırlar", - deyə Aşurlı Turan-ın müxbiri ilə söhbətində bildirib.
Qeyd edək ki, Himalayda fəth mövsümü mayın sonlarında başa çatır, belə ki, yay aylarında musson küləkləri dağlara qar və fırtına gətirir.
* İsrafil Aşurlu ən çox titula sahib Azərbaycan alpinistidir. 2007-ci ildə ilk azərbaycanlı olaraq, Everesti (8848 m) və 2011-ci ildə Himalayın digər nəhəngini - Kantencanqanı (8586) fəth edən alpinistdir.
6 il ərzində Aşurlı Azərbaycan Alpinizm Federasiyasına rəhbərlik edib, amma Azərbaycanın keçmiş Ekologiya və İdman nazirliklərinin rəhbərliyi tərəfindən illər boyu davam edən sabotaj və təzyiq nəticəsində 2014-cü ildə bu vəzifəni tərk edib. -02B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz