![Prokurorluq Şahvələd Çobanoğlunun vergi ödənişlərini yoxlayır](https://turan.az/resized/media/2015/main/022500107875-750-500-resize.webp)
Prokurorluq Şahvələd Çobanoğlunun vergi ödənişlərini yoxlayır
Fevralın 24-də tanınmış publisist Şahvələd Çobanoğlu Baş Prokurorluğun Ağır Cinayətlərə dair İşlər İdarəsinə çağırılıb. Ona vergi fəaliyyətinin yoxlanması ilə bağlı məhkəmə qərarı təqdim olunub.
“Qərarda deyilir ki, son 7 illik fəaliyyətimlə bağlı vergi yoxlamaları keçirilməlidir. Sonra vergi xidmətinin işçisini mənə təqdim etdilər. O da mənə vergi orqanlarının qərarını göstərdi. Bildirdilər ki, lazım olan sənədlərı bəlli müddətdə onlara təqdim etməliyəm”, - Ş.Çobanoğlu bildirib.
“Bəri başdan bildirdim ki, bu, siyasi məqsəd daşıyır. Yoxlama varsa, qoy, vergi tərəfindən aparılsın. Niyə məhkəmə qərarı ilə, prokurorluğun iştirakı ilə olunur? Bu həm də “Azadlıq” radiosu və mənim jurnalist fəaliyyətimlə, “Fərqli Düşüncə” qəzeti ilə bağlıdır”, - o vurğulayıb.
Xatırladaq ki, bundan əvvəl Ş.Çobanoğlu onlarla QHT-yə qarşı cinayət işi ilə əlaqədar dindirməyə çağırılıb.-02D-
-
- Cəmiyyət
- 25 Fevral 2015 13:43
-
- İqtisadiyyat
- 25 Fevral 2015 14:00
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz