Qafqaz Müsəlmanları İdarəsinin sədri şeyxülislam Allahşükür Paşazadə Səudiyyə Ərəbistanında keçirilən “Terrora qarşı mübarizə” konfransında çıxış edib.A.Paşazadə son 4-5 ildə Yaxın Şərq islam ölkələrində müsəlmanların bir-birinə qənim kəsilmələrinin ciddi narahatlıq doğurduğunu qeyd edib. Eyni qibləyə namaz qılanların bir-birini kafir adlandıraraq qətlə yetirmələrinin qarşısını almaq üçün islam aləminin bütün nüfuzlu şəxsiyyətlərinin birləşməsini təklif edib.
Terror hadisələrinin Azərbaycandan da yan keçmədiyini deyən QMİ sədri ermənilərin törətdiyi Xocalı faciəsini XX əsrdə erməni ekstremizmi və terrorunun bariz nümunəsi adlandırıb.
İslam Aləmi Liqasının baş katibi Abdullah əl-Türki terrorizmi bütün bəşər üçün bəla adlandırıb. Bu bəlanın qarşısını lamaq üçün bütün dünya ictimaiyyətlə birgə dinlərin də əl-ələ vermələrinin vacibliyini vurğulayıb. Konfransdan sonra QMİ sədri tədbirə qatılan islam dövlətlərinin nazirləri, islam dünyasının nüfuzlu din xadimlərilə görüşlər keçirib. Konfrans 2015-ci il fevralın 21-24-də Səudiyyə Ərəbistanının Məkkə şəhərində keçirilib.-05B-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz