Prorektorun qətlini rektor sifariş edib - prokurorluq
Hüquq-mühafizə orqanları hazırda bağlanmış "Təfəkkür" universitetinin prorektoru Tariel Əhmədovun qətlinin üstünü hadisədən 12 il sonra açıb.
Azərbaycan Baş Prokurorluğunun mətbuat xidmətinin məlumatına görə, istintaqla qətlin sifarişçisinin ali məktəbin rektoru, hazırda Elm və Təhsil Nazirliyinin İqtisadiyyat İnstitutunun icraçı direktoru vəzifəsində çalışan Müşviq Atakişiyev olduğuna əsaslı şübhələr müəyyən olunub.
İstintaqın məlumatına görə, rektor Əhmədovu "rektor vəzifəsində qalmasına maneə kimi" qəbul edib, pul müqabilində onun öldürülməsini öz qohumu Dəyanət Quliyevə sifariş verib, o isə həmkəndlisi Samir Quliyevi cinayətə cəlb edib.
Müşviq Atakişiyev (sifarişçi) və Samir Quliyev (icraçı) tamah məqsədilə qəsdən adam öldürmə maddəsilə təqsirləndirilən şəxs qismində cəlb edilib, məhkəmənin qərarı ilə Müşviq Atakişiyev barəsində vəzifədən kənarlaşdırmaqla həbs, Samir Quliyev barəsində isə həbs qətimkan tədbiri seçilib. Dəyanət Quliyev bu ilin aprelində həbs olunmuşdu.
T.Əhmədov 2011-ci il sentyabrın 16-da öldürülüb.
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz