Psixoloji yardım haqqında" qanun yarımçıqdır - ekspert

Bakı/08.12.18/Turan: Dünən Azərbaycan parlamenti üçüncü-yekun oxunuşda "Psixoloji yardım haqqında" qanunu qəbul edib.

Sənəd psixoloji yardımın hüquqi əsaslarını, psixoloqların hüquq və öhdəliklərini müəyyən edir, bu sahədə qarşılıqlı münasibətləri tənzimləyir. Qanunda təmənnasız psixoloji yardıma ümid edə biləcək şəxslər kateqoriyası verilir.

Ekspert, psixoloq Azad İsazadənin fikincə, bu qanuna böyük ehtiyac var idi, belə ki, konkretlik yox idi və hər kəs öz bildiyi kimi hərəkət edirdi.

O qeyd edib ki, "psixoloji yardım" anlayışı çoxaspektlidir. Psixoloqlar müxtəlif metodlardan, testlərdən, alətlərdən istifadə edirlər. Psixoloji yardım özü fərqli olur. Həm idmançılara, həm şagirdlərə, həm hərbiçilərə, həm əsəb pozğunluğundan əziyyət çəkən insanlara, həm ruhi xəstələrə göstərilir.

Bu kateqoriya insanlara eyni metodlarla yardım göstərilə bilməz. Konkret istiqamətlər üzrə ixtisaslaşmış psixoloji yardım mərkəzlərinin fəaliyyət göstərməsi zərurəti var. Amma qanunda bu məsələlər əks edilməyib və bu mənada sənəd yarımçıqdır.

Qanunda daha çox inzibati tədbirlərə - qadağaların tətbiq edilməsinə, komissiyaların yaradılmasına, həkim yoxlamalarının aparılmasına diqqət çəkilib. Amma bütün bunlar psixoloji yardım nöqteyi-nəzərdən nəticə vermir, ekspert belə hesab edir.

Onun fikrincə, bu boşluğun aradan qaldırılması üçün Qərbdə tətbiq olunan metodlardan istifadə etmək və ixtisaslaşmış psixoloji yardım mərkəzləri yaratmaq olar. -05C06-