![Qafqazın ən qədim məscidində bərpa işləri davam edir](https://turan.az/resized/750/500/resize/media/2012/main/100300013411.jpg)
Qafqazın ən qədim məscidində bərpa işləri davam edir
Bu günlərdə “Dövlət-din münasibətləri və maarifləndirmə işi” mövzusunda Oğuz-Qəbələ rayonlarında seminar-treninqlər keçirilib. Bu xəbər Turan-a Qafqaz Müsəlmanları İdarəsindən (QMİ) daxil olub.
QMİ Elmi Dini Şurasının sədri Vasim Məmmədəliyev belə görüşlərin ölkənin müxtəlif bölgələrində keçirildiyini bildirib, onların dövlət-din münasibətlərində əhəmiyyətindən, problemlərin aradan qaldırılmasında rolundan danışıb.
QMİ sədri Şeyxülislam Allahşükür Paşazadə görüşün əsas məqsədi kimi son vaxtlar rayonlarda dini icmaların durumu və gənc nəslin əxlaqi-mənəvi məsələlərində dinin rolu olduğunu deyib. Dövlət-din münasibətlərinin səmərəli olmasında yerli əhalinin rolu xüsusi qeyd edilib. Azərbaycanın dünyada tolerantlığı ilə fərqləndiyi, ölkədə dinlərarası toqquşma, dini ayrı-seçkilik yaşanmadığı xatırladılıb. Gənclərin mənəvi-əxlaqi tərbiyəsində müxtəlif dini qurumların, yerli ağsaqqalların oynadığı rola toxunulub. Şeyxülislam A.Paşazadə, tikintisi davam edən Qəbələ şəhər məscidində görülən işlərlə tanış olub, tövsiyələrini verib.
QMİ nümayəndə heyəti Şamaxı şəhərindəki VIII əsrdə inşa olunmuş və hazırda əsaslı təmir-bərpa işləri gedən “Cümə” məscidində olub. Bu üç minbərli nadir dini və memarlıq abidəsi Qafqazda ən qədim məscidlərdəndir. Məscid XX əsrin əvvəllərində erməni daşnakları tərəfindən yandırılsa da, sonra bərpa edilib. Bu ibadət evindən müxtəlif zamanlarda anbar, muzey və s. məqsədlərlə istifadə olunub. Aparılan bərpa işləri nəticəsində məscid ərazisinin əsaslı şəkildə genişləndiriləcəyi, eyni vaxtda daha çox dindarın ibadətinə imkan yaradılacağı qeyd edilir. Açıq səma altında məscidin tarixindən bəhs edən ekspozisiya kompleksi, mərasim zalları, dəstəmazxanaların inşa ediləcəyi nəzərə çatdırılır. Şeyxülislam A.Paşazadə iş icraçıları ilə söhbətdə məscidin tərtibatında istifadə edilən “Quran” ayələrinin yazılışında daha diqqətli olmaq tövsiyəsi verib. -05D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz