![«Qanun» nəşriyyatına polis reydi nə ilə əlaqədardır?](https://turan.az/resized/media/2016/main/061300158890-750-500-resize.webp)
«Qanun» nəşriyyatına polis reydi nə ilə əlaqədardır?
“Qanun” nəşriyyatına polis reydinin səbəbi bu müəssisənin müxalifətçi yazıçı, AXCP sədrinin müavini, hazırda həbsdə olan Fuad Qəhrəmanlının xanımı Zümrüd Yağmurun “Ölkənin adı: 22” adlı romanının işıq üzü görməsi ilə ola bilər.
Bir neçə gün öncə əsərin təqdimatı olub.
Tədbir Vətəndaş Həmrəyliyi Partiyasının mənzil-qərargahında tanınmış ədiblərin və müxalifətçi ictimai-siyasi xadimlərin iştirakı ilə keçirilib. Bu partiyanın lideri Sabir Rüstəmxanlı isə “Qanun” nəşriyyatının direktoru Şahbaz Xuduoğlunun qardaşıdır.
DQMŞ sədri Cəmil Həsənli romanı ölkənin ədəbi həyatında mühüm hadisə adlandırıb, çünki çağdaş Azərbaycanda indiki dövrün reallıqlarını obyektiv əks etdirən bədii əsər nümunələri azdır.
Antiutopiya janrında yazılan kitabda Azərbaycanın təsvir olunduğu bir ada haqqında danışılır ki, buranın insanları sərt diktaturadan əziyyət çəkirlər.
“Əsər unikal və maraqlıdır. Ən maraqlı odur ki, roman dramatik süjetə əsaslanıb. Söhbət adada yerləşən cəmiyyətdən gedir. Burada diktatura, diktator, ada sakinlərinin iztirablarının mənbəyi olan müqəddəs abidə var”, - C.Həsənli bildirib.
AXCP lideri Əli Kərimli Yağmurun yazıçı kimi istedadını qeyd edib. “Onun əsərlərində bizə məlum olan insanlar ümumiləşmiş obrazlarda əbədiləşib. Bizim dövrümüzdə baş verənləri əsərlərdə əks etdirmək lazımdır ki, Zümrüd xanım bu boşluğu doldurur. Onun kitablarda təsvir etdiyi mübarizə bugünkü siyasi mübarizənin mərkəzindədir”,- Ə.Kərimli qeyd edib.
DQMŞ Koordinasiya Mərkəzinin üzvü İbrahim İbrahimli Yağmurun kitabını Corc Oruellin “1984” romanı ilə müqayisə edib.
DQMŞ beynəlxalq məsələlər komissiyasının rəhbəri Gültəkin Hacıbəyli də eyni fikirdədir. Onun fikrincə, kitab reallıqdan uzaq deyil və onu “antiutopiya” adlandırmaq düzgün deyil.
“Bu kitabı ədəbiyyatda yeni cərəyan – antiutopik realizm” adlandırmaq olar”, - o vurğulayıb.
Müəllif özü əsərin adına aydınlıq gətirib. 22 rəqəmi 1+9+9+3 rəqəmlərinin cəmidir ki, bu da bir yerdə 1993-cü ili – Heydər Əliyevin Azərbaycanda hakimiyyətə gəldiyi ili göstərir. “Bu, bugünkü həyatımızda bütün bədbəxtliklərin təməlinin qoyulduğu ildir. Cəmiyyət üçün ən pis olan diktaturanın qurulmasıdır. Çox təəssüf ki, 23 ildir ki, Azərbaycan diktaturanın ən dəhşətli formalarından birini yaşayır”, - Yağmur bildirib. 06D--
-
- İqtisadiyyat
- 13 İyun 2016 11:57
-
- Cəmiyyət
- 13 İyun 2016 12:50
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz