Güclü qar yağışı Quba şəhərindən (Bakıdan 168 km. şimalda) Xınalıq kəndinə - Azərbaycanın ən yüksək dağlıq kəndinə (dəniz səviyyəsindən 2300 m. yüksəklikdə) gedən avtomobil yolunda hərəkəti dayandırıb.
Ekologiya Nazirliyinin məlumatına görə, yağan qarın səviyyəsi yarım metrdən çox olub, bu da 57 km-lik bu yolda avtonəqliyyatın hərəkətini qeyri-mümkün edib. Bəzi yerlərdə qar uçqunu təhlükəsi yaranıb.
Yol istismar idarəsi yolun qardan təmizlənməsi üzrə işlər aparır, lakin proqnozlara görə, qar yağışı davam edəcək.
“Şahdağ” yüksək dağlıq xizək bazası ərazisində də analoji vəziyyət yaranır. Qusar şəhərindən bazaya gedən yolda hərəkət xeyli çətinləşib. Hazırda yüzlərlə insan bu bazada yeni il bayramını keçirir. -02D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz