Avtomobildə komplektləşdirilmiş dərman qutusu, yanğınsöndürən balon, qəza-duracaq nişanı olması “Yol hərəkəti haqqında” qanunun tələbidir. Bunu Bakı şəhər yol polisi idarəsinin ictimaiyyətlə əlaqələr bölməsinin rəisi Vaqif Əsədov Turan-a bildirib.
Dərman qutusu avtomobildə olmadıqda və qutu boş olduqda sürücü cərimə məsuliyyətinə cəlb edilir və cərimənin həcmi 5 manatdır. Amma yanğınsöndürən balon və ya qəza-duracaq nişanına görə protokol tərtib olunması nəzərdə tutulmur.
V.Əsədov yol polisinin məqsədinin cərimə yazmaq yox, qanunlara əməl olunmasını təmin etmək olduğunu söyləyib.
Yol hərəkəti qaydalarının pozulması və xüsusilə sərxoş halda avtomobil idarə olunması ilə bağlı məsələnin bu ilin mayında qüvvəyə minəcək yeni İnzibati Xətalar Məcəlləsi ilə tənzimlənəcəyi nəzərdə tutulur. Sərxoş halda avtomobil idarə olunmasına görə yeni İnzibati Xətalar Məcəlləsində cərimələrin həddi yüksəldirlir. -05D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz