Qarabağ müharibəsi əlillərinin mənzil problemi həll ediləcək

2018-ci ilin sonuna qədər Qarabağ müharibəsi əlillərinin və şəhidlərinin ailələri mənzillə təmin ediləcək. Bu, iyunun 20-də Azərbaycan prezidentinin imzaladığı “Azərbaycan Respublikasının ərazi bütövlüyünün, müstəqilliyinin və konstitusiya quruluğunun müdafiəsi zamanı əlil olmuş şəxslərin sosial-məişət şəraitinin yaxşılaşdırılması üzrə əlavə tədbirlər haqqında” sərəncamda nəzərdə tutulub.

Sənədin preambulasında qeyd edilir ki, 2014-cü ilə qədər 4278 Qarabağ əlili və şəhid ailəsi mənzillə təmin ediləcək. Sözügedən kateqoriyaya aid daha 5731 nəfər yerli icra hakimiyyəti orqanlarında mənzilə ehtiyacı olanlar kimi qeydiyyata alınıb.

Dövlət başçısı Əmək və Əhalinin Sosial Müdafiəsi Nazirliyinə 1 yanvar 2014-cü ilə qədər qeydiyyata alınmış Qarabağ müharibəsi əlillərinin və şəhid ailələrinin 2014-2018-ci illər ərzində mənzillə (mənzil və ya xüsusi ev) təmin edilməsini tapşırıb.

Yerli icra hakimiyyəti orqanlarına sözügedən məqsədlə torpaq sahələri ayrılmasını təmin etmək tapşırılıb. Sözügedən tədbirlər dövlət büdcəsindən maliyyələşdiriləcək.

Qeyd edək ki, 2013-cü ilin sonu - 2014-cü ildə sosial problemlərinin həll edilməməsi ilə əlaqədar bir sııra müharibə veteranının özünü yandırmasından sonra dövlət Qarabağ əlillərinin problemlərinə diqqəti artırıb. -06D-