«Qarabağ»ın təəssüf doğuracaq uğursuzluğu

Ağdamın “Qarabağ” komandasına Azərbaycanın futbol tarixində yeni səhifə açmaq -  Çempionlar Liqasının pley-off mərhələsinə keçmək üçün beş dəqiqə çatmadı.

Avqustun 2-də “Qarabağ” Bakıda Çexiyanın “Viktoriya” komandası ilə oyunda qələbə hesabını saxlaya bilmədi.

Bir həftə öncə Çexiyada heç-heçə oynanılıb. İkinci matçda “Qarabağ”a istənilən hesabla qələbə lazım idi. “Qarabağ” bir saat ərzində bu vəzifənin öhdəsindən gəldi. Komanda 28-ci dəqiqədə hesabı açıb. Muarem Muarem Qara Qarayevin ötürdüyü topu “Viktoriya”nın qapısından keçirib.

Sonradan “Viktoriya” daha çox topa sahib olsa da “Qarabağ” kəskin əks-hücumlar edərək üç dəfə qol vəziyyəti yaratdı.

Oyun zamanı köhnə futbol deyimi “sən qol vurmazsan, sənə vurarlar” bir daha öz təsdiqini tapdı. Belə ki, 85-ci dəqiqədə meydana çıxan Mixal Kremençuk hesabı bərabərlədirdi. Bu, o zaman baş verdi ki, “Qarabağ” üç mərkəzi müdafiəçi ilə qalmışdı. Baş məşqçi Qurban Qurbanov hər şeyin edildiyini nəzərə alaraq üç fəal oyunçunu, o cümlədən Almeydanı əvəzləmişdi.

Oyun 1:1 hesabı ilə başa çatdı. Bu hesab “Viktoriya”nı qane edir. Çünki bu qolun sayəsində Çexiya komandası qalib hesab edildi və Çempionlar Liqasının pley-off mərhələsinə keçdi.

“Qarabağ” isə yarışların reqlamentinə görə Avropa Liqasının pley-off mərhələsinə keçib.

Xatırladaq ki, “Qəbələ” komandası da Avropa Liqasının pley-off mərhələsinə çıxmaq şansını saxlayır.

İyulun 28-də üçüncü təsnifat raundunun birinci matçında “Qəbələ” Fransanın “Lill” komandası ilə 1:1 hesabı ilə oynayıb. Cavab matçı avqustun 4-də Bakıda olacaq.-0-