![Qazaxıstan Hüseynqulu Bağırovun iddialarını rədd edib](https://turan.az/resized/media/2015/main/122500141604-750-500-resize.webp)
Qazaxıstan Hüseynqulu Bağırovun iddialarını rədd edib
Qazaxıstan ekoloqları Azərbaycanın ekologiya nazirinin Qazaxıstanın Xəzər hövzəsini çirkləndirməsi barədə ittihamını əsassız hesab edirlər.
Dünən ekologiya naziri Hüseynqulu Bağırov bildirib ki, Xəzərin Qazaxıstan sektorunda hələ sovet dövründən qalan, “hər-hansı FH baş verərsə, Xəzərin çirklənməsinə səbəb olacaq” quyuların istismar olunduğunu bildirib.
Bağırov bu bəyanatı Azərbaycanın “Günəşli” platformasında yanğın nəticəsində suyun səthində neft ləkələri meydana gəlməsi haqqında iddianı şərh edərkən verib.
“Qazaxıstanın sovet dövründən qalan neft quyularını istismar etməsi haqqında bəyanatdan təəccüblənmişəm. Məlum olduğu kimi, Qazaxıstan yalnız Kaşaqan yatağından istifadə edir. Lakin hələlik orada neft hasilatı həyata keçirilmir, buna görə Azərbaycan tərəfin bəyanatları əsassız və tutarsızdır”, deyə Novosti-Qazaxıstan agentliyi “Eko Mangistau” QHT-nin rəhbəri Kiril Osindən sitat gətirir.
Qazaxıstanın Mangistau vilayətinin Təbii Resurslar İdarəsinin rəhbəri Orınbasar Tokjanov bu məlumatı təsdiq edib. “Bizim ərazimizdə neft yataqlarının kəşfiyyatı, istismarı üzrə heç bir iş həyata keçirilmir”, deyə o qeyd edib.
Eyni zamanda, Qazaxıstan tərəfi Xəzəryanı ölkələri “Günəşli” platformasındakı yanğınla bağlı məlumatlandırmağın zəruri olduğunu bildirib.
““Günəşli” yatağında yanğın ətraflı araşdırma tələb edir, onun ətraf mühitə təsirini qiymətləndirmək lazımdır. Neft dağılması olduğu haqqında məlumat var”, deyə Qazaxıstan nümayəndəsi bildirib.
Xatırladaq ki, dekabrın 4-də “Günəşli” yatağında baş vermiş yanğından sonra dənizə xeyli miqdarda neft tökülüb. SOCAR rəhbərliyi hələlik bunu təfsilatını açıqlamayıb. -02D-
-
- İqtisadiyyat
- 25 Dekabr 2015 15:25
-
- Analitika
- 25 Dekabr 2015 16:14
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz