![Qəbələdə ağır qəzada xarici vətəndaşlar xəsarət alıb, bir nəfər ölüb](https://turan.az/resized/news/2024/c4pBzRLlfrCnpLTL9c3QvshuKVTZ0M45JBB5nehM-750-500-resize.webp)
Qəbələdə ağır qəzada xarici vətəndaşlar xəsarət alıb, bir nəfər ölüb
Qəbələdə ağır qəzada xarici vətəndaşlar xəsarət alıb, bir nəfər ölüb
Şənbə günü axşam saatlarında Qəbələ Dəmir Yolu Vağzalının qarşısında (Bakıdan 210 km şimal-qərb) üç minik avtomobili toqquşub. FHN-in məlumatına görə, nəticədə beş xarici vətəndaş xəsarət alıb.
2005-ci il təvəllüdlü bir uşaq ölüb. Digər dörd nəfər ağır vəziyyətdə rayon xəstəxanasına aparılıb. 1999-cu il təvəllüdlü bir nəfərin vəziyyəti kritik olaraq qalır. İyunun 16-da səhər saatlarında o, helikopterlə Bakıda ixtisaslaşmış klinikaya gətirilib.
Xəsarət alan şəxslərin adları və hansı ölkənin vətəndaşı olduqları açıqlanmır.
Cəmiyyət
-
İyunun 24-də Kollektiv Təhlükəsizlik Müqaviləsi Təşkilatının (KTMT) baş katibi İmanqali Tasmaqambetov bildirib ki, bu qurumun funksionallığı və tərkibi genişlənə bilər. Onun sözlərinə görə, hərbi-siyasi müttəfiqliyə ehtiyac xeyli artır. "Bu, təbiidir və tarix bunu təsdiqləyir. Üstəlik, KTMT çox əlverişli iştirak şərtləri təklif edir", - Tasmaqambetov qeyd edib.
-
Azercell və Cüdo Federasiyasının “Doğru yol budur” layihəsi öz töhfəsini verir! “Azercell Telekom” MMC-nin Azərbaycan Cüdo Federasiyası ilə birgə əməkdaşlıqda həyata keçirdiyi "Doğru yol budur" sosial kampaniyasına qoşulanların sayı hər gün artır. Artıq Azərbaycanın müxtəlif bölgələrindən 700-dən çox şəxs bu çağırışa cavab verərək mütəmadi məşqlərdə iştirak edir. Layihə cəmiyyətimizdə, xüsusilə də gənclər arasında narkomaniyanın fəsadlarına diqqət çəkməklə yanaşı, sağlam həyat tərzinin təbliğatına və idmana olan marağın artırılmasına yönəlib.
-
Dövlət Sərhəd Xidmətininin dövlət tərəfindən əhəmiyyətli dərəcədə maliyyələşdirilməsinə baxmayaraq, Azərbaycanın narkotik vasitələrin qanunsuz dövriyyəsinə qarşı mübarizəsi səmərəsiz olaraq, qalır, Prime TV telekanalının sahibi Aygün Muradxanlı belə hesab edir. Rəhbərlik etdiyi şirkət tərəfindən hazırlanmış “Hibrid müharibələrin narkotik tərəfi” filminin müzakirəsində çıxış edən Muradxanlı alternativ strategiyalara ehtiyac olduğunu qeyd edib.
-
2023-cü ildə Azərbaycanda 8 min 631 nəfər təhsil haqqını ödəmədiyinə, dərs buraxdığına görə və ya öz xahişi ilə təhsil aldığı müəssisədən xaric edilib. Bu barədə "Abituriyent" jurnalının 12-ci nömrəsində qeyd edilib. Bu da 2022-ci il ilə müqayisədə 9.8 faiz artım deməkdir. Bəzi mütəxəssislər xaric olunmaların əsas səbəbi kimi tələbələrin təhsil haqqını ödəyə bilməmələrini göstərirlər. Azərbaycanda təhsil haqqı universitetə, ixtisasa görə fərqlidir və illik olaraq 1 min 500-6 min 500 manat aralığında dəyişir.
Rəy yaz