Avropa İttifaqı Rusiyaya qarşı sanksiyaları daha bir il uzadıb
İyunun 17-də Avropa İttifaqı Şurası Krımın ilhaqına görə Rusiyaya qarşı tətbiq edilmiş sanksiyaların 23 iyun 2025-ci il tarixinə qədər uzadılması barədə qərar verib.
Hazırda qüvvədə olan məhdudlaşdırıcı tədbirlər 2014-cü ilin iyununda tətbiq edilib və Krımdan Aİ-yə məhsul idxalına, habelə Krımdan istənilən investisiyalara qadağanı ehtiva edir. Bundan başqa, nəqliyyat, telekommunikasiyalar və energetika, habelə kəşfiyyat, neft, qaz və mineral resursların hasilatı sahəsində Krım şirkətlərinə müəyyən məhsul və texnologiyaların ixracına Aİ-nin məhdudiyyətləri tətbiq olunur.
Aİ Krımın Rusiya tərəfindən qanunsuz ilhaqını qəbul etmir və beynəlxalq hüququn pozuntusu kimi pisləməyə davam edir.
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz