İyulun 24-də “Azadlıq” qəzetinin baş redaktoru və “Azərbaycan saatı” televiziya proqramının rəhbəri Qənimət Zahidin Şamaxı rayonunun Meysəri kəndində (Bakıdan 120 kilometr qərb) yaşayan anası Xədicə xanımın, qardaşı Nemət Zahidovun oğlu Xəqani Zahidovun və Şamaxı rayonunun Qurdtəpə kəndində yaşayan əmisi oğlu Rövşən Zahidovun evlərində axtarış aparılıb. Xatırladaq ki, Rövşən Zahidov bir neçə gün öncə polis tərəfindən saxlanılaraq 25 sutka inzibati həbs edilib.
Axtarışın konkret hansı hüquq mühafizə orqanı tərəfindən aparılması məlum deyil.
Ailə üzvləri Amerikanın Səsinə bildirib ki, Zahidovların anası Xədicə xanımın evindən ailə üzvləri ilə əlaqə saxlamaq üçün istifadə etdiyi komputer götürülüb. Xəqani Zahidovun isə evindən heç nə tapılmayıb.
Şamaxı rayonunun Qurdtəpə kəndində yaşayan Rövşən Zahidovun evində axtarış zamanı narkotik tapıldığı bildirilib.
Rövşən Zahidovun qardaşı Ağasadıq Zahidov Turana bildirib ki, axtarışda 15-dək çox mülki və polis forması geyimində olan şəxslər iştirak edib.
“Qardaşımın evinə heç kimi buraxmadılar. Evdə yalnız Rövşənin həyat yoldaşı Leyla xanım vardı. O dedi ki, gözümün qabağında Rövşənin iş pencəyinin cibinə kağıza bükülü nə isə qoydular, sonra isə dedilər burada narkotik var”, o qeyd edib.
Ağasadıq Zahidovun dediyinə görə, qardaşı Rövşən ümumiyyətlə siqaret belə çəkmir.
“Qardaşımın evində axtarış aparıb, guya narkotik tapmaqla onun barəsində cinayət işi qaldırmaq istəyirlər. Amma, hamı bilir ki, qardaşıma və qohumlarıma qarşı bu təqiblər Qənimət Zahidin jurnalist fəaliyyəti ilə bağlıdır”, o qeyd edib.
Hazırda Qənimət Zahidin qardaşı oğlanlarından biri Rüfət Zahidov da narkotiklə ittiham edilir. O, həbs edilib. Baş redaktorun digər qardaşı oğlu Tural Zahidov isə iyulun 18-də polisə müavimət ittihamı ilə inzibati qaydada 30 sutka həbs edilib.
Qənimət Zahidin qohumlarına qarşı təqiblər onun hökumət rəhbərlərini sərt tənqid edən televiziya verilişindən sonraya təsadüf edir.
Qənimət Zahidin digər qohumlarının axtarıldığı da bildirilir.
Baş verənlərə rəsmi qurumlar hələ münasibət bildirməyib.—06D--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz