![Qəzet köşkləri haqqında üçüncü məhkəmə iclası çərşənbə günü keçiriləcək](https://turan.az/resized/750/500/resize/media/2013/main/012200025562.jpg)
Qəzet köşkləri haqqında üçüncü məhkəmə iclası çərşənbə günü keçiriləcək
Yanvarın 23-də saat 15.40-da 1 saylı Bakı İnzibati-İqtisad Məhkəməsində Vüsalə Baxşəliyevanın sədrliyi ilə Turan İnformasiya Agentliyinin Bakı şəhər İcra Hakimiyyətinə qarşı iddiası üzrə üçüncü məhkəmə prosesi keçiriləcək.
İddia “İnformasiya əldə etmək azadlığı” qanunun 24.1-ci maddəsinə uyğun olaraq, şəhər meri Hacıbala Abutalıbovun paytaxtda yeni köşklərin qoyulması ilə bağlı məlumat verməkdən imtina etməsi ilə əlaqədar verilib.
Abutalıbovun adına 28 avqust tarixli məktubda yeni köşklərin quraşdırılmasının qanunvericilik-normativ əsasları, onların hüquqi sahibi, köşklərdən təyinatı üzrə istifadə edilməməsinin səbəbləri və bunun nəticəsində çap nəşrlərinə ziyan dəyməsi haqqında suallara cavab vermək xahişi yer alırdı.
Cavabdeh dekabrın 14-də məhkəmə iclasına gəlməyib və bu barədə məhkəməyə məlumat verməyib. Oktyabrın 19-da keçirilən birinci iclasda BŞİH-in Ticarət və Xidmətlər Departamentinin nümayəndəsi məktubda qoyulmuş sualları cavablandıra bilməyib. Bundan əlavə, BŞİH-in məhkəməyə təqdim edilmiş 28 oktyabr 2011-ci il tarixli 521 saylı köşklərin quraşdırılması haqqında sərəncamı QASİD distributor firmasına məxsus qəzet köşklərinin dəyişdirilməsinin qanunsuz olduğunu göstərib.
Məlub olduğu kimi, jurnalistlərin həyata keçirdiyi monitorinqlər yeni köşklərdə qəzet satışının, xüsusən müstəqil və müxalif qəzetlərin satışının süni şəkildə məhdudlaşdırıldığını üzə çıxarır. Bəzi köşklərdə ümumiyyətlə dövri mətbuat satılmır, əvəzində qida məhsulları, içki və siqaret satılır. Bütün bunlar qəzetlərin tirajının daha da azalmasına və naşirlərin və oxucuların hüquqlarının pozulmasına gətirib çıxarıb. -0-
-
- İqtisadiyyat
- 22 Yanvar 2013 16:18
-
- Siyasət
- 22 Yanvar 2013 16:59
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz