Qəzet yayımı bazarına naməlum firma çıxıb

Sentyabrın 8-də bir sıra KİV-in və Reportyorların Azadlıq və Təhlükəsizlik İnstitutunun nümayəndələri çap KİV-ləri sata köşklərin monitorinqini davam etdiriblər.

Sentyabrın 1-də keçirilmiş əvvəlki monitorinq sentyabrın 1-də cansıxıcı mənzərə ortaya çıxarıb: 2011-ci ilin sentyabrında meydana çıxan yeni köşklər qəzet köşkləri ilə heç bir əlaqəsi olmayan mini marketlərə çevrilib.

Bir həftə ərzində bəzi detallar istisna olmaqla, vəziyyət, demək olar ki, dəyişməyib. 

Belə ki, məlum olub ki, köşklərə qəzetləri artıq QASİD deyil, “Əks-səda” adlı firma gətirir.

Qəzet gətirilməsi haqqında maliyyə sənədi adlandırmaq belə çətin olan “fakturalarda” sadəcə qəzetlərin sayı göstərilib. Məsələn, hər qəzetin önündə 1 və ya 2 nüsxə yazılıb, əslində isə köşklərə daha çox qəzet verilir.

Monitorinq göstərib ki, “Azadlıq” və “Yeni Müsavat” müxalifət qəzetləri üzrə xüsusi göstəriş var. Onları vitrinlərə qoymurlar və köşklərə 5 nüsxədən çox gətirmirlər.

Digər qəzetlərin əksəriyyəti oxucuların marağı az olduğu üçün satılmır, amma bir sıra köşklərdə “Azadlıq” və “Yeni Müsavat” saat 11-ə qədər artıq bitmişdir.

“Müxalifət qəzetlərini vitrinə qoymağa icazə verilmir, amma bu qəzetləri əsasən onların mövcud olduğunu bilə daimi müştərilər alır”, deyə köşkün Mehdi adlı satıcısı bildirib.

Eyni zamanda, bir sıra köşklər ümumiyyətlə qəzet satmır. Satıcılar deyirlər ki, yarı-qanuni fəaliyyət göstərirlər: işə götürülmə haqqında müqavilə yoxdur, ticarət maliyyə sənədləri olmadan aparılır, bütün ticarətçilər paytaxt meriyasına işarə edərək hansısa sahiblərdən bəhs edir.

Eyni zamanda, dörd köşkün sahibi qeyri-rəsmi söhbət zamanı qəzet satışının yoluna düşəcəyi barədə nikbin fikir ifadə edib: “Biz bir neçə gün əvvəl yeni firmadan qəzet almağa başlamışıq, amma artıq görünür ki, o, bizə satmadığımız qəzetlərə görə borc yazan QASİD-dən yaxşıdır”. Yeni firmanın adını söyləmək xahişinə cavabda o, firmanın adını bilmədiyini deyib.

Dünən Beynəlxalq Tərəfdaşlıq Qrupu (International Group for Partnership with Azerbaijan - IPGA) Azərbaycanda fikri ifadə azadlığının pisləşməsi ilə bağlı dərin narahatlığını bildirib. Yayılmış bəyanatda qəzet yayımı şəbəkəsinin probleminə xüsusi diqqət yetirilib. Beynəlxalq təşkilatlar QASİD-ə qarşı boykota son qoymağa və bütün qəzetlərin yayılması üçün ədalətli şərait yaratmağa çağırıblar. -0-