QHT-lərin Həyəcan Şəbəkəsi yaradılıb

Bir qrup qeyri-hökumət təşkilatı  Azərbaycanda QHT-lərin fəaliyyətinin məhdudlaşdırılması ilə bağlı  müzakirələr keçirərək QHT-lərin Həyəcan Şəbəkəsini yaratmaq qərarına gəlib.

QHT-lərin Həyəcan  Şəbəkəsindən Turan-a verilən məlumata görə,  qurum  QHT-lərlə bağlı qanunvericiliyə edilən dəyişikliklərin  onların fəaliyyətinə ciddi şəklidə məhdudiyyətlər yaratmasından narahatdır.

QHT-lərin təkrar qeydiyyat problemləri,  dövlət reyestrində yeni çıxarışın alınması, qrant müqavilələrinin qeydə alınmaması, QHT-lərin bank hesablarının dondurulması, QHT rəhbərlərinin fiziki hesablarına dair məhkəmə qərarlarının verilməsi və həbs qoyulması halları artır.

Şəbəkə bu günə qədər  20-dən  artıq mütsəqil  QHT-yə qarşı sanksiyaların tətbiq olunduğunu  xatırladıb.

Layihələrin icrasi dayandırlıb.  Yuxarda göstərilən bütün faktları təsdiq edən rəsmi  sənədlər də mövcuddur.

QHT-lərin Həyəcan  Şəbəkəsi  aşağıdakı məsələləri qərara alıb:

1. Azərbaycan  prezidenti ilə QHT-lərin görüşünün təşkili üçün müraciət edilməsi;

 2) QHT-lərə Dövlət Dəstəyi  Şurasının  həyəcanlı vəziyyətin aradan qaldrırılması üçün səylərini artırmasına dair təşəbbüslə çıxış etməsi;

3)Azərbaycanda fəaliyyət göstərən xarici ölkə səfirliklərilə birbaşa görüşlərin keçirilməsi və müzakirələr;

    4) Mövcüd vəziyyətə dair  dəyərləndirmə sənədinin hazirlanması və onun ( dövlət strurkturlarına, səfirliklərə və beynəlxalq təşkilatlara) təqdim edilməsi;

5) Böyük dövlətlərin başıçılarına və beynəlxalq qurumların rəhbərlərinə müraciətlərin edilməsi;

     6) Ədliyyə Nazirliyi, Prezident Administrasiyası və Milli  Bankın qarşısında piketin keçirilməsi  üçün rəsmi müraciətin edilməsi;

7) QHT-lərin fəaliyyətlərini məhdudlaşdıran  qanunu pozan hallara qarşı məhkəmələrdə iddiaların qaldırılması (  Ədliyyə Nazirliyi və banklara qarşı)

8) Həbs olunan vətəndaş cəmiyyətinin nümayəndələrinin azadlığa buraxılması istiqamətində tədbirlər.-16D-