Qiymət Mehdiyev 16 villa aldığını təkzib edib

SOCAR-ın Əsaslı Kapital Qoyuluşları İdarəsinin rəis müavini Qiymət Mehdiyev həyat yoldaşının Türkiyənin Bodrum şəhərində 20 mln. dollara 16 villa alması haqqında məlumatları təkzib edib. Mehdiyevin sözlərinə görə, onun həyat yoldaşı yarımvilla alıb.

ANS PRESS tərəfindən yayılmış bəyanatında Mehdiyev bu məlumatları bu məlumatları “əsassız və tamamilə həqiqətə uyğun olmayan” məlumatlar adlandırıb.

O, “bu yalanı” ailəsinin nüfuzuna və SOCAR-ın işgüzar imicinə zərbə kimi qiymətləndirib.

Mehdiyev bəyan edir ki, 30 ildir dövlət şirkətində işləyir, həyat yoldaşı isə uğurlu dizaynerdir.

O, həmçinin bildirib ki, fotoşəkildə onun həyat yoldaşı kimi təqdim edilmiş qadın Mehdiyevin həyat yoldaşı deyil.

Eynulla Fətullayevin saytında dərc edilmiş qəbalə kağızlarının surətində görünür ki, 200 min türk lirəsinə 1/2 ev alınıb ki, bu da təxminən 60 min dollara bərabərdir.

Buna görə ictimaiyyətə çatdırılan məlumat “cinayətkarcasına saxtalaşdırılıb”.

“Bu, məni bu yalanın müəllifinə qarşı hüquqi tədbirlər görməyə məcbur edir”, deyə Mehdiyev bildirib.

Qeyd edək ki, Mehdiyevin həyat yoldaşının 20 mln. dollara 16 villa alması haqqında məlumat dünən haqqin.az saytında dərc edilib və Azərbaycanın bir sıra KİV-ləri tərəfindən istifadə olunub. -06C-