Qızılca xəstəliyinin artması fonunda TƏBİB vəziyyətin stabil olduğunu bildirir
Bakı/21.12.23/Turan: KİV-də qızılca xəstəliyinə dair halların artması barədə məlumatlara baxmayaraq, məsul qurumlar rəsmi statistikanı açıqlamırlar. Turan-ın qızılca xəstəliyinə tutulanların sayını TƏBİB-dən öyrənmək cəhdləri nəticə verməyib.
Yerli medianın məlumatına görə, ən azı beş uşaq qızılca xəstəliyindən ölüb. Son ölüm halı dekabrda Lənkəran və Şirvanda qeydə alınıb.
Dekabrın 20-də Tibbi Ərazi Bölmələrini İdarəetmə Birliyinin (TƏBİB) icraçı direktoru Vüqar Qurbanov jurnalistlərə bildirib ki, Azərbaycanda qızılca ilə bağlı vəziyyət sabitdir. Dərman təminatı yaxşıdır, Stasionar müalicə üçün hər cür şərait var. Valideynlərə tibb müəssisələrinə müraciət etmələri tövsiyə olunur.
Ümümdünya Səhiyyə Təşkilatının məlumatına görə, Avropa regionunda qızılca xəstəliyinə tutulanların sayında narahatlıq doğuran artım var. Yanvar-oktyabr aylarında 53 ölkədə 40 mindən 130 minə qədər qızılcaya yoluxma halı qeydə alınıb. Bu 2022 illə müqayisədə 30 dəfə çoxdur.-03B06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz