QMİ dindarların etiraz aksiyasını pisləyib
Qafqaz Müsəlmanları İdarəsi bəyanatla çıxış edərək oktyabrın 5-də Təhsil Nazirliyinin qarşısında bir qrup dindarın etiraz aksiyasını pisləyib.
“Azərbaycanda hicab qadağası olmadığı halda bu məsələnin süni şəkildə qabardılması dini mərkəz olaraq bizi narahat etməyə bilməz. Orta məktəblərdə vahid şagird geyimində başörtüyünün nəzərə alınması ilə bağlı müvafiq tövsiyəmizi də zamanında bildirmişik”, - bəyanatda deyilir.
“Hesab edirik ki, «hicaba azadlıq» şüarı altında aksiyanın keçirilməsi xalqımıza və dövlətçiliyimizə qarşı yönəlmiş təxribatdır və bunda məqsəd ölkəmizdəki sabitliyə xələl gətirmək, cəmiyyət daxilində qarşıdurma yaratmaqdır. Bu, təhlükəli təzahürdür və biz çox təəssüf edirik ki, bu hal bəzi qüvvələr tərəfindən islam adından sui-istifadə etmək yolu ilə həyata keçirilir. Hicab məsələsinin gündəmə gətirilməsi belələri üçün bir bəhanə, Azərbaycan dövlətinin nüfuzuna kölgə salmaq vasitəsidir”, - bəyanatda vurğulanır.
Sənəd müəllifləri Azərbaycan dindarlarını, ziyalıları və ictimaiyyət nümayəndələrini bu məsələlərə diqqətli yanaşmağa, ictimai qınaq mövqeyində durmağa çağırır. “Müstəqillik dönəmində dövlətimizin dindarlar üçün yaratdığı mövcud şəraiti, milli-mənəvi dəyərlərə, dini abidələrə yüksək qayğını nəzərə alaraq, dövlətin qanunlarına hörmətsizlik nümayişi kimi hallara yol verilməməsi üçün hamımız səfərbər olmalıyıq. Din xadimlərinin moizə və xütbələrində bu həqiqətləri insanlara çatdırmalarını vacib sayırıq”, - sənəddə deyilir.
Xatırladaq ki, 200-ə yaxın dindar etiraz aksiyası keçirib. Aksiya polislə qarşıdurmaya çevrilib. 70-dən çox dindar saxlanılıb, onlarla polis işçisi və dindar xəsarət alıb.
Saxlananlardan 32 nəfəri cinayət məsuliyyətinə cəlb olunub.-04D-
-
- İqtisadiyyat
- 10 Oktyabr 2012 14:00
-
- Cəmiyyət
- 10 Oktyabr 2012 15:00
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz