QMİ sədri Başqırdıstan prezidentilə görüşüb
Başqırdıstanda səfərdə olan Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə səfər çərçivəsində Başqırdıstan prezidenti Rüstəm Hətəmovla görüşüb. Bu xəbər Turan-a QMİ-dən məlum olub.
R. Hətəmov A.Paşazadəni və Rusiya Mərkəzi Ruhani İdarəsinin rəhbəri Talqat Tacuddini “dövrün dəyərli dini liderləri” kimi dəyərləndirib. O, ölkədə dini-mənəvi sahədə görülən işlər barədə QMİ sədrinə bilgi verib.
R.Hətəmov Azərbaycanla Başqırdıstan arasındakı iqtisadi və mənəvi-mədəni sahələrdəki əlaqələrin səviyyəsindən razılığını ifadə edib. Dövlət başçısı Başqırdıstanda neft sənayesinin yaradılmasında və inkişafında Azərbaycanın neft mütəxəssislərinin xüsusi rolu olduğunu xatırladıb.
Öz növbəsində QMİ sədri qəbula görə R.Hətəmova təşəkkür edib. Başqırdıstana səfərindən məmnunluq duyduğunu deyən A.Paşazadə R.Hətəmovu Azərbaycanda gözləyəcəklərini söyləyib. A.Paşazadə həmçinin Ufada yaşayan Azərbaycan diasporu ilə görüşünü də R.Hətəmova xatırladıb.
Görüş zamanı A.Paşazadə R.Hətəmova “Quran-i-Kərim” və Bakını vəsf edən tablo hədiyyə edib, xatirə fotosu çəkdirilib.-05D-
-
- Siyasət
- 23 Oktyabr 2015 15:31
-
- İqtisadiyyat
- 23 Oktyabr 2015 16:06
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz