Rusiya Mərkəzi Ruhani İdarəsi (RMRİ) Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadənin “əl-İzzət-Şərəf, Şöhrət, Ləyaqət” ordenilə təltif olunması haqda fərman verib.
Fərman Başqırdıstanın paytaxtı Ufa şəhərində cümə axşamı işə başlayan “XXI əsr təhsil müstəvisində islamın idealları və dəyərləri” mövzusunda VIII beynəlxalq elmi-praktik konfransın gedişində elan edilib.
Fərmanda bu ordenin QMİ sədrinə islam dininə etibarlı xidmətə, sülh və həmrəyliyi dünya miqyasında ardıcıl müdafiəyə, millətlər və dinlərarası dialoqa dəstəyə görə verildiyi qeyd olunur. Bununla yanaşı, A.Paşazadəyə mükafatın verilməsinə daha bir səbəb kimi “bəşəriyyətə Allah, Vətən, gələcək nəsillər qarşısında dünyanın taleyinə məsuliyyət hissi aşılaması” göstərilir.
Ordeni və xüsusi hədiyyəni A.Paşazadəyə RMRİ sədri, Baş Müfti Talqat Tacuddin təqdim edib.
Konfrans oktyabrın 23-də işini davam etdirəcək. -05D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz