Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə Dağıstanın din xadimi Səid Əfəndi Açayevin qətlilə bağlı Dağıstan prezidenti Məhəmmədsalam Məhəmmədova başsağlığı göndərib.
Başsağlığında A.Paşazadə ilahiyyatçı Səid Əfəndini “böyük nüfuza malik din xadimi” kimi dəyərləndirir və qətli hüznlə qarşıladıqlarını ifadə edir. “Bu insanlığa zidd terror aktı bizdə böyük hiddət oyatdı. İnsanlıq əleyhinə yönələn, cəmiyyətdə parçalanma yaratmağı hədəfləyən mənfur hadisəni kəskin qınayırıq”, - QMİ sədri
Bildirib. Eyni zamanda Dağıstan xalqının terrorçulara və bu cinayətin günahkarlarına layiqli cavab verəcəyinə ümid bəslənilir.
QMİ sədri Azərbaycan dindarları və şəxsən öz adından M.Məhəmmədova, mərhumun yaxınlarına, Dağıstan xalqına dərin hüznlə başsağlığı verib.
A.Paşazadə eyni məzmunlu başsağlığını Dağıstan müftisi Əhməd Hacı Abdullayevə də göndərib və başsağlığında bu qətl “islam ümmətini parçalamaq cəhdi” kimi dəyərləndirilir.
Milliyyətcə avar olan Səid Əfəndi 1937-ci ildə anadan olub. O, Dağıstanın ən nüfuzlu din xadimi sayılıb. 1990-cı illərin ortalarından DMDİ rəhbərliyi onun tərəfdarlarına məxsus olub.
05D06—
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz