Bu gün Qubada Rustov kənd sakini, 25 yaşlı Vəfadar Məmmədov saxlanılıb. O, ötən gün həbs olunmuş Vəfanur Məmmədovun qardaşıdır.Bu barədə Turan-a saxlanılan şəxslərin qohumu, yerli hüquq müdafiəçisi Avtandil Məmmədov məlumat verib.
Onun sözlərinə görə,Vəfadarı Quba məhkəməsinin binasının qarşısında MTN əməkdaşları saxlayıblar. O, atasının məhkəmə prosesində iştirak etmək üçün ora gedib.
Ötən gün həbs olunan Vəfanura gəlincə, o,Bakıya aparılıb və MTN-də saxlanılır. “Bu barədə mənə onun vəkili telefonla xəbər verib”, - A.Məmmədov qeyd edib. Onun sözlərinə görə, Vəfanur Məmmədov “radikal dindar” olmaqda təqsirli bilinir.
“Bu qardaşlar radikal deyil. Vəfanur “Odnoklassniki” sosial şəbəkəsində digər yerli sakin Nizami Cəfərovun saxlanması haqda yazıb. Bundan sonra onda guya qumbara aşkarlandığını bildirərək həbs ediblər. Bu ailədə kişi qalmayıb. Çünki bundan əvvəl onların atasını da həbs ediblər. Bu, ailəyə qarşı əsl repressiyadır”, - A.Məmmədov bildirib. –06B-
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz