İnvestisiya fondlarının aktivlərinin tərkibi və strukturuna tələblər dəyişib

Qiymətli Kağızlar üzrə Dövlət Komitəsi investisiya fondunun kapitalının formalaşdırılmasına, fondun aktivlərinin tərkibi, strukturu və idarə olunmasına tələblərə yumşaltma şəklində dəyişiklik edib. Ölkədə belə fondlar hələ yoxdur. 

Dəyişikliyə əsasən, açıq investisiya fondları öz investisiya portfelinə İqtisadi Əməkdaşlıq və İnkişaf Təşkilatı (OECD) ölkələrinin birjalarının listinqinə daxil edilən emitentlərin qiymətli kağızlarını daxil edə bilərlər. Əgər əvvəl bu reytinq Baa3 səviyyəsi nəzərdə tuturdusa, indi Aa3-ə endirilib.

İnvestisiya fondları bundan sonra müxtəlif qiymətli kağızlar, pul vəsaitləri və bank depozitləri ilə yanaşı hüquqi şəxslərin kapitalında paya investisiya qoya bilər. İnvestisiya fondlarının aktivlərinin strukturuna tələblərdən bir emitentin maksimal qiymətlin kağızlar səviyyəsi (ən azı 10%), emitentin nizamnamə kapitalında pay iştirakı (ən çoxu 10%) və fond birjasında listinqdən keçməyənlər (ən çoxu 50%) barədə müddəa çıxarılıb. Fondun aktivləri həmçinin dövlət və bələdiyyə qiymətli kağızlarına qoyula bilər. Buna qədər bu imkan Azərbaycanın və OECD ölkələrinin qiymətli kağızlarına qoyulmuşdu. 

«İnvestisiya fondları haqqında» qanun 2010-cu ildən qüvvədədir. Müvafiq normativ aktlar 2011-ci ildə qəbul edilib. 2013-cü ilin dekabırnda QKDK bəyan edib ki, ilk investisiya fondunun yaradılması barədə müraciət daxil olub. 

“Texnika Kapital Menecment” broker şirkətində Turan-a deyiblər ki, kollektiv investisiya biznes sxemlərin olmamasının səbələrindən biri ölkə daxilində qiymətli kağız təklifinin aşağı səviyyəsidir. “İnvestisiya fondunun kapitalının formalaşdırılmasına, fondun aktivlərinin tərkibi, strukturu və idarə olunmasına tələblər haqqında” Qaydalara əsasən, fondun aktivlərinin ən azı 25%-i ölkə ərazisində yerləşdirilməlidir. 

İnvestisiya fondlarının yaradılması üçün 500 min manat kifayətdir. İdarə edən şirkət isə ən azı 125 min manat nizamnamə kapitalına malik olmalıdır. 08B