Qurban - islamın iki böyük bayramından biri

Oktyabrın 4-5-i islam dünyasında Qurban bayramıdır.

Qurban kəsmək hələ islama qədər İbrahim peyğəmbərə Allah tərəfindən əmr edilib. Amma bu əmrə qədər İbrahim peyğəmbər oğlunu Allah yolunda qurban kəsmək əhdinə sadiq qalmaq imtahanından keçib. İbrahim peyğəmbər oğlu İsmayılı qurban kəsmək üçün Mina dağına gətirib. İbrahim peyğşmbərin əhdinə vəfasını görən Allah əvəzində iki qoç göndərib. 

Daha sonra qurban kəsmək islam dinində geniş yer alıb. Həcc ziyarətinə gedən əzvvarlar ziyarəti başa vurduqdan sonra onun son əməli olaraq qurban kəsirlər. Beləliklə, Qurban bayramı islamda Ramazan bayramı ilə birlikdə iki böyük bayramdan biri sayılır.

Qurban olaraq qoç kəsilirsə bu zaman hər ailə üzvü bir qurban kəsir. Qurbanlıq iribuynuzlu heyvandırsa və ya dəvədirsə, o zaman bir neçə şəxs bir yerə yığışaraq bir qurban kəsə bilər.

Həcc ziyarətində olanların qurban kəsməsi vacibdir. Həcdən kənarda islam dünyasında qurban kəsilməsi vacib olmasa da, imkan olduğu halda qurban kəsmək bəyənilən əməllər sırasına daxildir. Qurban bayramı bəndənin Allah ilə niyyət və əhdlərinə sədaqət bayramıdır. Kəsilən qurbanlar kasıblara, qohum-əqrabaya, qurban sahibinə çatmaqla üç hissəyə bölünür.

Qurban kəsilənə qədər isə məscidlərdə bu bayrama aid xüsusi namaz qılınır. Həmin bayram namazının da bu il oktyabrın 4-5-i saat 9:00-da bütün məscidlərdə qılınması nəzərdə tutulur.-05-