Azərbaycan Estoniyaya ixrac etdiyindən 30 dəfə çox idxal edir

Azərbaycanla Estoniyanın idxalı ilə ixracı arasında fərq 30 dəfədir. Bu ilin 8 ayında Estoniyadan $3,8 mln manat məbləğində mal gətirilib, $135,3 minlik mal ixrac edilib. Ötən ilin eyni dövründə bu göstərici belə idi: idxal $6,31 mln, ixrac $476,63.

Sentyabrın 30-da Tallində rabitə və yüksək texnologiyalar naziri Əli Abbasov və Estoniya iqtisadi əlaqələr və infrastruktur naziri Urve Palonun iştirakı ilə Azərbaycanla Estoniya arasında ticari-iqtisadi əməkdaşlıq üzrə hökumətlərarası komissiyanın 2-ci iclası bu rəqəmlərlə yekunlaşıb.

RYTN-in məlumatına görə, Azərbaycan nümayəndə heyətinin tərkibinə Energetika və sənaye, vergilər, Xarici İşlər, Sənaye və Energetika, Təhsil, Mədəniyyət və Turizm nazirliklərinin, Mərkəzi Bankın və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmət) nümayəndələri daxil olublar.

Azərbaycan və Estoniya respublikaları arasında ikitərəfli siyasi və iqtisadi münasibətlərin əsasını 2009 və 2010-cu illərdə dövlət başçılarının rəsmi səfərləri zamanı imzalanan bəyannamələr təşkil edir.

İKT sahəsində yaxşı əməkdaşlıq perspektivi var – Bakıda Estoniyanın "Cybernetica AS" müəssisəsi fəaliyyət göstərir. Eleketron xidmət infrastrukturunun qurulması onun uğurlu layihəsidir. Hökumətlərarası komissiyanın ikinci iclasında sənaye və energetika, informasiya-kommunikasiya texnologiyaları (İKT), maliyyə, gömrük rüsumu və vergilər, nəqliyyat, kənd təsərrüfatı, ətraf mühit, gənclər siyasəti, təhsil və elmi tədqiqatlar, sosial təminat və mədəniyyət sahələrində əməkdaşlıq məsələləri müzakirə olunub.

Hökumətlərarası komissiyanın iclasının yekununda protokol imzalanıb. Dövlətstatkoma görə, 2013-cü ildə 2 ölkə arasında ticarət dövriyyəsi $8,28 mln,  2012-ci ildə $6,32 mln olub. Rekord 2007-ci ildə qeydə alınıb - $15,06 mln. --17D—