Qurban Qurbanov Azərbaycan yığmasından ayrılıb

Bakı/08.12.18/Turan: Azərbaycan Futbol Federasiyaları Assosiasiyası (AFFA) milli yığmanın baş məşqçisi Qurban Qurbanovla müqaviləni vaxtından əvvəl pozub.

AFFA İcraiyyə Komitəsi belə hesab edib ki, G.Qurbanovun "Qarabağ" futbol klubunda işini davam etdirməsilə eyni vaxtda milli yığmaya təyin edilməsi barədə qərar düzgün olmayıb. Bu barədə Q.Qurbanov özü bildirib.

O həmçinin təklif edib ki, onu AFFA İcraiyyə Komitəsinin tərkibindən çıxarsınlar, belə ki, diqqətini yalnız "Qarabağ"ın işinə cəmləmək niyyətindədir.

Azərbaycan yığmasının yeni baş məşqçisi məsələsi açıq qalıb.

İcraiyyə Komitəsi namizədlərin siyahısını hazırlamağı və onların sırasından yeni məşqçini seçməyi qərara alıb.

Yeni baş məşqçinin təyinatı məsələsi bu ilin sonunadək və ya gələn ilin əvvəlində həll olunacaq, çünki yazda artıq yığma Avro-2020 seçmə turnurində çıxışlara başlayacaq.

Həmçinin Avropa birincilyinin növbəti mərhələsinə keçən U-19 -dan başqa digər yaş qrupları üzrə yığmaların baş məşqçilərinin dəyişdirilməsi qərara alınıb

Q.Qurbanov bir il öncə 6 il müddətinə Azərbaycan yığmasının baş məşqçisi təyin edilmişdi. Onun rəhbərliyilə Azərbaycan yığmasının Millətlər Liqasının ən zəif D divizionunda çıxışı uğursuz olub. Birinciliyi Kosovoya verərək öz qrupunda ikinci yeri tutub.

Q.Qurbanovun yığma və klubda paralel işi Avropa Liqasının qrup mərhələsində "Qarabağ"ın çıxışına da mənfi təsir göstərib. Komanda beş matçdan ancaq birində qələbə qazanıb, qalanlarında məğlub olub, üstəlik iki matçda böyük hesabla uduzub. 06D--