![Rabitə Nazirliyinin keçmiş rəhbərliyinin işi üzrə məhkəmədə](https://turan.az/resized/750/500/resize/media/2016/main/113000176397.jpg)
Rabitə Nazirliyinin keçmiş rəhbərliyinin işi üzrə məhkəmədə
Noyabrın 30-da Bakı Ağır Cinayətlər Məhkəməsində Rabitə Nazirliyinin və onun idarələrinin 11 keçmiş yüksək vəzifəli əməkdaşının işi üzrə proses davam edib.
Bu gün Bakı Telefon Şəbəkəsinin keçmiş rəhbəri Beytulla Hüseynovun ifadəsi davam edib.
O təkrar edib ki, Rabitə Nazirliyi rəhbərliyinin göstərişi ilə hərəkət edib. Daha sonra Hüseynov danışmaq istəməyib, buna görə onun ibtidai istintaqa verdiyi ifadə oxunub.
Hüseynov deyib ki, onun müəssisəsində 2009-2015-ci illər üçün xidmət və işlərin həcmi nazir Əli Abbasovun göstərişi ilə 20-25% yüksəldilirdi.
Hər ayın sonunda Bakı Şəbəkəsinin baş mühasibi Anar Mustafayev mənimsənilmiş vəsaiti nazirliyə verirdi.
Nazirin göstərişi ilə bu barədə hesabatlar aparat rəhbəri Vidadi Zeynalova verilirdi.
Hüseynov həmçinin bildirib ki, keçmiş nazir Abbasovun Anar adlı kurs yoldaşına hər ay 1000 manat verirdi.
Bir neçə il ərzində o, Vergilər Nazirliyinin işçilərinə 11 mln. manat verib, 1 mln. manat isə Avropa Oyunları ilə əlaqədar tədbirlərə xərclənib.
Bundan başqa, Hüseynov nazir Abbasova 2 mln. manat və onun müavini, hazırda da bu vəzifədə işləyən İltimas Məmmədova 1,5 mln. manat verib.
Hüseynovun özünə hər ay 30 min manat qalırdı, ümumilikdə isə ona 2,5 mln. manat çatıb.
Hüseynov deyib ki, Bakı Telefon Şəbəkəsinin iş tərəfdaşları Abbasovun və Zeynalovun qayınlarının firmaları idi.
Digər təqsirləndirilən şəxs Anar Mustafayev bildirib ki, istintaq qərəzli aparılıb. O, qanunsuz əməllərin “təşkilatçısı” olması haqqında ittihamı rədd edib.
“Planı mən tərtib etsəydim, niyə Beytulla Hüseynov və Vidadi Zeynalovun hər birinə 10 mln. manat verib, özümə 567 min manat saxlayım?
Guya mən hər ay zərfdə 7 min manat alırdım, bu, yalandır. Mənə aylıq 2 min manat ödəyirdilər.
Biz dövlət əmlakını mənimsəməmişik”, deyə Mustafayev bildirib.
Onun sözlərinə görə, müəssisə dəfələrlə yoxlanılıb və təsdiq edilib ki, mühasibat düzgün işləyir.
“Etiraf edirəm ki, aylıq əlavə vəsait alırdım. Qanun qarşısında özümü qismən təqsirli bilirəm”, deyə Mustafayev bildirib.
Fasilədən sonra Anar Mustafayev sərbəst ifadəsində bildirib ki, 2005-2015 -ci illər ərzində Beytulla Hüseynovdan maaşdan əlavə təxminən 95-110 min manat pul alıb.
"Mənə paketdə verilən 7 min manatdan 5 mini işçilərin müalicəsinə, onkoloji xəstələrə, toylara, yaslara xərclənirdi”, o qeyd edib.
“Təmir Təchizat Servis” MMC-nin direktoru Bayram Vəliyev sərbəst ifadə verməkdən imtina edib. O ibtidai istintaqa verdiyi ifadəsini təsdiq etdiyini deyib.
Hakim onun ifadəsini elanedib. .
Vəliyev "Bakı Rabitə Təmir Tikinti" MMC və "Təmir Təchizat Servis" MMC şirkətlərini təsis edib və bundan sonra Beytulla Hüseynovla işlədiyini bildirib.
"Gömrükdən işdən çıxmışdım. Beytulla Hüseynov məni işə qəbul etdi. Hər iki şirkət mənim adıma rəsmilışdirildi, amma faktiki Beytulla Hüseynova məxsus idi. Beytulla müəllimin göstərişlərini yerinə yetirmişəm. O tenderlərdə bu şirkətlərin qalib olmasını təmin edirdi. Mən Beytulla Hüseynovun əmrlərini yerinə yetirmişəm, 1000 manat maaş, 1500 manat isə paket alırdım”, o ifadəsində yazıb.
Məhkəmə prosesi dekabrın 2-dək təxirə salınıb. -06D-
-
- İqtisadiyyat
- 30 Noyabr 2016 15:58
-
- İqtisadiyyat
- 30 Noyabr 2016 17:16
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz