Radikalların aradan götürülməsi davam edir
Bakı/13.08.18/Turan: Hüquq-mühafizə orqanları avqustun 10-da Sumqayıtda keçirilən xüsusi əməliyyat zamanı sayca 5-ci dini radikalın məhv edildiyini bildiriblər.
Rəsmi məlumata görə, bu yaxınlarda Gəncə hadisələrində iştirak edən Muraz Rəhimov (1989-cu ildə anadan olub) silahlı müqavimət göstərərkən məhv edilib.
Hüquq-mühafizə orqanlarının məlumatına görə, o, sentyabrda qeyd olunacaq Aşura mərasimində Gəncənin imamını öldürməyi planlaşdırmışdı.
Həmin mənbələr bildirirlər ki, radikal dini cərəyanın üzvü olan M.Rəhimov hələ 2012-ci ildə paytaxtda partlayış təşkil etmək niyyətində olub və buna görə mühakinə edilib.
İyulun 10-da Gəncə iğtişaşlarında iştirakdan sonra M.Rəhimov paytaxta gələrək kirayə mənzildə gizlənib.
Ötən müddətdə xüsusi xidmət bir sıra əməliyyat keçirib. Əməliyyatlar zamanı iğtişaşların iştirakçısı və Gəncənin icra başçısı Elmar Vəliyevə sui-qəsddə əli olan 4 nəfər öldürülüb. Hadisələrlə bağlı 61 nəfər həbs olunub, 13 nəfərin barəsində axtarış elan edilib.02D-
Cəmiyyət
-
Son günlər yağışlar nəticəsində Bakının Binəqədi rayonunun bəzi ərazilərində, Abşeron rayonunda müəyyən yerlərdə evləri su basıb. Sakinlər şikayətlənir ki, bu hal illərdir baş verir. Biləcəri qəsəbəsində yaşayan Mahir Məmmədov AzadlıqRadiosuna bildirib ki, üç gün əvvəl, mayın 6-da yağan leysandan sonra evinə su dolub: "Bizdə həyət evidir. Yağış yağıb, evim su içindədir, mebellərimə də ziyan dəyib. Bu vəziyyət illərdir davam edir. Şikayət etmədiyimiz qurum qalmadı. Hər dəfə deyirlər ki, nasoslar çatdırmır, düzələcək, amma düzəlmir".
-
9 may Qələbə bayramı münasibətilə Azərbaycanda prezidentin sərəncamı ilə İkinci Dünya Müharibəsi iştirakçılarına 2 min manat (1167 dollar) birdəfəlik yardım ayrılıb. Ölkədə 1941-1945-ci illər hərbi əməliyyatlarının cəmi 30 nəfər birbaşa iştirakçısı qalıb.
-
Mayın 10-da Bakıda və Abşeron yarımadasında hava şəraitinin dəyişkən buludlu olacağı, əsasən yağıntısız keçəcəyi gözlənilir. Mülayim cənub küləyi axşam şimal-qərb küləyilə əvəz olunacaq.
-
Polis əməkdaşları tərəfindən gizli sexdə saxta spirtli içkilər hazırlayaraq satış şəbəkəsi quran dəstə üzvlərinə qarşı əməliyyat keçirilib. Nəticədə Mikayıl Abbasov və onun rəhbərlik etdiyi dəstənin üzvləri Fərid Məmmədov, Fərid Haqverdiyev, Əhməd Mikayılov, Mehman Cəfərov və Nurlan Zamanov tutulublar. Bu barədə XİN-in mətbuat xidməti bildirib.
Rəy yaz