![Radikallıq dini savadsızlığın nəticəsidir](https://turan.az/resized/./turan-750-500-resize.webp)
Radikallıq dini savadsızlığın nəticəsidir
“Jurnalistlər Ekstremal Şəraitdə” ictimai birliyi bu günlərdə “Dini radikallığın aradan qaldırılması tədbirləri layihəsi” çərçivəsində növbəti tədbir keçirib.
Tədbir iştirakçıları ölkədə dini durumu sabit dəyərləndirsələr də, profilaktik tədbirlər görülməsini arxa plana keçirməməyi daha vacib sayıblar. Dindaxili fərqlilikləri düşmənçiliyə çevirmək istəyənlər olduğu deyilib. Bu sahədə maarifçiliyin gücləndirilməsi bütün çıxışların ortaq nöqtəsi olub. Eyni zamanda, gənclərin radikal dini cərəyanların tərkibinə qoşulmalarına səbəb kimi dini savadsızlıq, işsizlik göstərilib. Bundan əlavə, bu cərəyanların müxtəlif şirnikləndirici üsullarla gəncləri öz tərəflərinə çəkdikləri xüsusi qeyd olunub.
Natiqlər belə halların bölgələrdə daha çox olmasını xatırladaraq, onları aradan qaldıra bilmək üçün orta və ali məktəb sistemində din tarixinin tədrisini vacib hesab ediblər. Natiqlərə görə, din tarixinin tədrisi təkcə islam dininin tarixilə məhdudlaşdırılmamalı, xristianlıq və yəhudi dininin də tarixi öyrədilməlidir.
Eyni zamanda, gənclərin bu cərəyanların “tor”una düşməməsi üçün sosial problemlərin həllinin əsas şərt olduğu qeyd edilib. Amma istənilən halda natiqlər bu məsələdə dini savadsızlığın aparıcı rol oynadığını iddia ediblər. Onların fikrincə, gənclərin çoxu islam dininin tələblərinin nədən ibarət olduğunu bilmirlər. Təsir altına düşdükdən sonra hansısa radikal cərəyan xidmətçisinin islam adına düşüncələrini əsas götürürlər.
Daha sonra natiqlər belə maarifçi layihələrin reallaşdırılmasının özünün də müsbət təsirə malik odluğunu deyiblər, bu layihələrin davamlı olmasını istədiklərini ifadə ediblər. -05B-
-
- Siyasət
- 25 Avqust 2015 18:29
-
- İqtisadiyyat
- 26 Avqust 2015 11:48
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz