Noyabrın 23-də publisist Rafiq Tağının qətlindən 5 il keçir. O, 2011-ci il noyabrın 19-da evinin yaxınlığında naməlum şəxsin hücumuna məruz qalıb. Naməlum şəxs onun boynuna, qarnına və çiyninə bir neçə bıçaq xəsarəti yetirib. Üç gün sonra publisist xəstəxanada dünyasını dəyişib. Bu qətlin üstü indiyədək açılmayıb və təqsirkarlar tapılmayıb.
Qeyri-rəsmi məlumatlara görə, publisist onu çoxdan hədələyən dini fanatların qurbanı olub. Onunla hesablaşmaq çağırışları 2006-cı ilin noyabrında “Sənət” qəzetində “Avropa və biz” məqaləsinin nəşrindən sonra yayılıb.
Həmin vaxt Tağı və qəzetin redaktoru Samir Sədaqətoğlu həbs edilib və dini ayrıseçkilik salmağa görə mühakimə olunub, çünki məqalədə müsəlmanların təhqir edildiyi hesab olunub.
Tağı ölümündən iki həftə əvvəl İran əleyhinə məqalə dərc edib, İranda mövcud rejimi və islami dövlət quruluşunu kəskin pisləyib.
Tağının qətlindən sonra İran ruhanisi Lənkərani publisistin qətlini alqışlayıb. -16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz