Rahim Hacıyevə prokurorluqdan xəbərdarlıq

“Azadlıq” qəzetinin baş redaktorunun birinci müavini Rahim Hacıyev Baş Prokurorluğa çağırılıb.

R.Hacıyevin prokurorluğa çağırılmasına səbəb həkim Natavan Əliyevanın qətlilə bağlı mərhumun keçmiş həyat yoldaşı Samir Əliyevin müraciətlərinin qəzetdə dərc olunmasıdır. S.Əliyev həyat yoldaşının qətlində şübhəli bilinərək həbs edilib. O, qəzetə ünvanladığı son müraciətində müstəntiqlə aralarında olan dialoqun stenoqramını da təqdim edib.

Bu məsələ ilə bağlı prokurorluq yaydığı açıqlamada S.Əliyevin həbsinə ciddi əsasların olduğunu göstərir və məhkəmənin qərarı ilə onun barəsində həbs qətimkan tədbirinin seçildiyini nəzərə çatdırır. Prokuroluq bu cinayət işi ilə bağlı ölkə ictimaiyyətinə məlumatlar verildiyini  qeyd edir. Təqsirləndirilən S.Əliyevin “Azadlıq” qəzetində dərc edilən müraciətlərinin özünü müdafiə xarakteri daşıdığı deyilir. Cinayət işini aparan müstəntiqlə dialoqunun stenoqramının həqiqiliyi və əldə edilmə mənbəyinin qanuniliyi şübhə altına alınır. Belə informasiyaların yayılması N.Əliyevanın yaxın qohumlarının hüquq və mənafelərinin əhəmiyyətli dərəcədə pozulması kimi dəyərləndirilir.

“Qeyd edilənlərlə əlaqədar “Azadlıq” qəzetinin baş redaktorunun vəzifəsini icra edən birinci müavin Rahim Hacıyev Baş Prokurorluğa çağırılıb və ona xəbərdarlıq edilib. Gələcəkdə belə xarakterli, qərəzli məlumatların yayımı davam etdiyi halda cinayət məsuliyyəti də daxil olmaqla daha ciddi tədbirlərin görüləcəyi barədə rəsmi xəbərdarlıq edilib”, - Baş Prokurorluğun açıqlamasında deyilir.

Rəy yaz

Cəmiyyət

Грузия меняет западную ориентацию и идет на сближение с Россией? - беседа с экспертом по Кавказу Вадимом Дубновым в программе "Çətin sual"



Bizi sosial şəbəkələrdə izləyin

Xəbər lenti