Jurnalist Rasim Əliyevin ölüm işi üzrə məhkəmə hökmündən apellyasiya şikayəti verilib. Bu barədə mərhumun vəkili Fariz Namazlı “Azadlıq” radiosuna bildirib.
“İstintaq zamanı olduğu kimi, məhkəmə zamanı da biz Rasim Əliyevin ölümündə həkim səhlənkarlığı faktının araşdırılmasını xahiş etmişik. Bizim vəsatətə baxmayaraq, bu motiv kifayət qədər araşdırılmayıb”,- vəkil bildirib. O, apellyasiya instansiyasından hökmün ləğvini və işin əlavə istintaqa qaytarılmasını tələb edib.
Rasim Əliyev futbolçu Cavid Hüseynovun pis davranışı ilə bağlı Facebook səhifəsində şərh yazdıqdan sonra 2015-ci il avqustun 8-də bir qrup şəxs tərəfindən döyülüb.
Avqustun 9-da səhər jurnalist xəstəxanada vəfat edib. Fakt üzrə beş nəfər saxlanılıb. Onlar CM-in 126.3-cü maddəsi (qəsdən ölümlə nəticələnən ağır bədən xəsarəti yetirmək) ilə ittiham olunublar.
Bakı Ağır Cinayətlər Məhkəməsi beş müttəhimin barəsində hökm çıxarıb: Elşən İsmayılov 13 il, Arif Əliyev 12 il 6 ay, Camal Məmmədov 11 il, Kənan Mədətov və Samir Mustafayev 9 il azadlıqdan məhrum edilib.
Jurnalistin ölümündən sonra həbs edilən futbolçu Cavid Hüseynovun işi üzrə proses davam edir.-0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz