Mayın 23-də Baş Prokurorluğun Ağır Cinayətlər üzrə İstintaq İdarəsi “Ayna-Zerkalo” qəzetinin jurnalisti Rauf Mirqədirovun valideynlərinin mənzilində axtarış aparıblar.
Bu barədə Turan-a vəkil Fuad Ağayev bildirib. Onun sözlərinə görə, artıq istintaq başa çatıb.
Vəkil onu da bildirib ki, Rauf Mirqədirovun heç bir zaman yaşamadığı yerdə də axtarış aparılıb.
“Rauf Mirqədirovun atasının 84 yaşı var.Valideynləri müxtəlif xəstəlikdən əziyyət çəkirlər”, - vəkil qeyd edib.
Yerli medianın yazdığına görə, axtarışı Baş Prokurorluğun Ağır Cinayətlərə Dair İşlər üzrə İstintaq İdarəsinin müstəntiqi və üç əməliyyatçı aparıb. Axtarışa iki hal şahidi də cəlb edilib. Proses cəmi 10 dəqiqə davam edib və evdə istintaq üçün əhəmiyyət kəsb edən heç nə tapılmayıb.
Rauf Mirqədirov son bir neçə ildə ailəsi ilə birgə Ankarada yaşayırdı. Aprelin 17-də heç bir izahat verilmədən onun Türkiyədəki akreditəsi ləğv edilib və jurnalist saxlanılıb. Aprelin 19-da Bakıya yola salınıb və Bakı hava limanında həbs edilib. R.Mirqədirov Ermənistanın xeyrinə casusluqda ittiham edilir. O, ittihamı sifariş hesab edərək rədd edir. -16D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz