Sığorta bazarında təkrarsığortaçı sayı artıb. İndi onlar altıdır.
Dövlət Sığorta Nəzarəti Xidməti 5 sığorta şirkətinə təkrarsığorta üzrə lisenziya verib. Onlar açıq səhmdar cəmiyyətləridir: «Ata Sığorta», AXA MBASK, «İpək Yolu Sığorta», «Paşa Həyat Sığorta» və «Standard İnsurance».
Yenilik "Sığorta fəaliyyəti haqqında" qanuna ötən ilki dəyişikliklərlə bağlıdır. Bu ilin martından təkrarsığorta fəaliyyəti ilə maraqlanan sığorta şirkətləri əlavə təkrarsığorta lisenziyası almalıdır.
Dövlət Sığorta Nəzarəti Xidmətinin rəhbəri Namiq Xəlilov əvvəllər bəyan etmişdi ki, sığorta və təkrarsığorta fəaliyyətinin ayrılması maliyyə sabitliyinin təmin edilməsi üçündür. Maliyyə Nazirliyinin tələbinə əsasən, təkrarsığorta fəaliyyəti lisenziyası almaq istəyən şirkətlərin minimal kapitalı 7,5 mln manat olmalıdır. --17D—
İqtisadiyyat
-
BMT-nin İqlim Dəyişiklikləri üzrə Çərçivə Konvensiyasının 29-cu Tərəflər Konfransı (COP29) iqlim dəyişikliyinə qarşı qlobal vahid cavab istiqamətində əhəmiyyətli bir addım atdı. Bakıdakı müzakirələrin ilk günündə iştirakçı ölkələr karbon kreditlərinin yaradılması və ticarəti qaydaları üzrə tarixi razılıq əldə etdilər. Bu qərar, BMT-nin nəzarətində olacaq çoxmilyardlıq karbon kreditləri bazarının gələn il kimi erkən bir vaxtda işə salınmasına yol açır.
-
Azərbaycan Dövlət Neft Şirkəti (SOCAR), Albaniyanın İnfrastruktur və Energetika Nazirliyi və Albaniyanın qaz şirkəti Albgaz 29-cu BMT-nin İqlim Dəyişikliyi Konfransı (COP 29) çərçivəsində bazar günü Bakıda Anlaşma Memorandumu (MoU) imzaladılar.
-
Gürcüstan Baş nazirinin birinci müavini və İqtisadiyyat və Davamlı İnkişaf naziri Levan Davitaşvilinin sözlərinə görə, Azərbaycanın yaşıl enerjisinin Gürcüstan və Qara dəniz vasitəsilə Rumıniya, Macarıstan və Bolqarıstana çatdırılmasını nəzərdə tutan "Yaşıl Enerji Dəhlizi" layihəsi investisiya qiymətləndirmə mərhələsinə daxil olub.
-
Azərbaycanın Dövlət Neft Şirkəti (SOCAR) və İtaliyanın Italgas şirkəti BMT-nin İqlim Dəyişikliyi üzrə Çərçivə Konvensiyasının 29-cu sessiyası (COP29) çərçivəsində bazar günü enerji keçidini sürətləndirmək məqsədilə əməkdaşlıq sazişi imzalayıb.
Rəy yaz