Rayon mədəniyyət və turizm şöbələri ləğv olunur

Prezident İlham Əliyev dünən “Yerli icra hakimiyyətləri haqqında Əsasnamə”yə dəyişikliklər edilməsi haqqında fərman imzalayıb.

Əsasnamədən ölkənin rayon və şəhərlərində mədəniyyət və turizm şöbələrinin rəhbərlərinin yerli icra hakimiyyəti orqanları tərəfindən təmin edilməsini nəzərdə tutan norma çıxarılıb.

Xatırladaq ki, 2012-ci ildə qəbul edilmiş Əsasnaməyə görə, rayon və icra başçılarına Gənclər və İdman Nazirliyinin, Mədəniyyət və Turizm Nazirliyinin, Əmək və Əhalinin Sosial Müdafiəsi Nazirliyinin, Təhsil Nazirliyinin və Səhiyyə Nazirliyinin yerli şöbələrinin rəhbərlərini bu mərkəzi icra hakimiyyəti orqanları ilə razılaşdıraraq təyin etmək səlahiyyəti verilmişdi.

Çox güman ki, prezidentin qərarı turizm üçün daha yaxşı şərait yaratmaq məqsədilə qəbul edilib, belə ki, çox vaxt yerli məmurlar öz maraqları naminə maneələr yaradır.

Xüsusən, dövlət başçısı Mədəniyyət və Turizm Nazirliyi haqqında Əsasnaməyə regional mədəniyyət və turizm idarələrinin yaradılması haqqında dəyişiklik edib.

Fərmanda həmçinin işçilərin say həddinin 379 ştat vahidi olmaqla, Nazirliyin aparatı üzrə 160 ştat vahidi, Bakı Şəhər Mədəniyyət və Turizm Baş İdarəsi və regional mədəniyyət və turizm idarələri üzrə 219 ştat vahidi müəyyən edilib. -06D-