Azərbaycan iqtisadiyyat nazirinin Gürcüstana səfərinin yekunları barədə

Gürcüstan prezidenti Georgi Marqvelaşvili və ölkənin baş naziri Georgi Kvirikaşvili Gürcüstanda səfərdə olan Azərbaycanın iqtisadiyyat naziri Şahin Mustafayevlə görüşlər keçiriblər, xəbəri Novosti-Gruziya agentliyi yayıb.

Mustafayev Gürcüstan prezidenti ilə görüşdə iqtisadiyyat, energetika və ticarət sahələrində ikitərəfli əməkdaşlıq məsələlərini müzakirə edib.

“Biz turizmin inkişafı nöqteyi-nəzərdən əməkdaşlığımızı maksimum dərinləşdirməyi və gələn il bu istiqamətdə maksimum enerji sərf etməyi qərara aldıq. Yaxın gələcəkdə Gürcüstan və Azərbaycan biznesmenləri iki ölkənin iqtisadiyyatının daha mütərəqqi olması üçü birgə biznes layihələrinə başlayacaqlar”, deyə görüşdən sonra Gürcüstan prezidentinin müşaviri Maya Mikeladze bildirib.

Gürcüstan baş naziri ilə görüşdə Mustafayev ticari münasibətlərin inkişafını müzakirə edib. Tərəflər iki ölkənin bazarlarına ixrac üçün potensial məhsulları müəyyən edəcək işçi qrupun yaradılması haqqında razılıq əldə ediblər.

Tərəflər həmçinin noyabrın 16-da İstanbulda üç ölkənin iqtisadiyyat nazirlərinin və biznesmenlərinin iştirakı ilə keçiriləcək üçtərəfli forumu (Gürcüstan-Azərbaycan-Türkiyə) müzakirə ediblər.

Gürcüstan və Azərbaycan diplomatik münasibətləri 18 noyabr 1992-ci ildə qurublar. Ölkələr ticarət, nəqliyyat və energetika sahələrində fəal əməkdaşlıq edir. Gürcüstanın “Sakstat” Milli Statistika Xidmətinin məlumatına görə, birinci yarımildə Azərbaycan Gürcüstana 283 milyon dollar investisiya edib ki, bu da birbaşa xarici investisiyaların ümumi həcminin 34%-ni təşkil edir. Beləliklə, Azərbaycan Gürcüstanın ən böyük investoru olaraq qalmaqdadır. -02D-