Fuad Əhmədliyə doğmaları ilə görüşməyə icazə veriblər

Kürdəxanı İstintaq Təcridxanasında saxlanılan Azərbaycan Xalq Cəbhəsi Partiyasının fəalı Fuad Əhmədliyə bu ilin avqustunda həbs edilməsindən sonra ilk dəfə oktyabrın 28-də ailə üzvləri ilə görüş veriblər. Bu barədə Turan-a onun vəkili Əsabəli Mustafayev bildirib.

Əhmədlinin doğmaları ilə görüşünə qadağa istintaq orqanı tərəfindən qoyulmuşdu. Vəkil bu qərarı əsassız hesab edirdi və ondan şikayət vermişdi.

Mustafayev Əhmədlinin əsassız cinayət təqibinə də ən qısa zamanda son qoyulacağına və onun azadlığa çıxacağına ümid etdiyini deyib.

Xatırladaq ki, avqustun 19-da Dövlət Təhlükəsizlik Xidməti və Baş Prokurorluq Əhmədlinin işi üzrə birgə bəyanatla çıxış ediblər, Əhmədlini “Azərfon” mobil rabitə şirkətinin abunəçilərinin şəxsi məlumatlarını yaymaqda ittiham ediblər, bu da əməliyyat-axtarış fəaliyyəti haqqında qanunvericiliyin pozulması və vəzifə səlahiyyətlərindən sui-istifadə kimi qiymətləndirilir.

Hüquq-mühafizə orqanlarının iddiasına görə, Əhmədlinin mənzilində qanunvericiliklə qadağan edilmiş dini ədəbiyyat və Fətullah Gülənin çıxışları olan CD-disklər, vərəqələr tapılıb.

Avqustun 23-də hüquq-mühafizə orqanları Əhmədlinin işinin Gülən təşkilatı ilə əməkdaşlıqda ittiham olunan digər AXCP fəalı Faiq Əmirovun işi ilə eyni icraatda birləşdirildiyini bidiriblər.

AXCP-də bu ittihamları təkzib edirlər və işin siyasi motivlərlə saxtalaşdırıldığını hesab edirlər. -06D-

Rəy yaz

Cəmiyyət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti