«Made in Azerbaijan» brendinin reklamının yerləşdirilməsi meyarları müəyyən edilib

İqtisadiyyat Nazirliyi “Made in Azerbaijan” brendi təşviq ediləcək xarici ölkələrin, həmin ölkələrdə reklam yerləşdiriləcək ictimai yerlərin və kütləvi informasiya vasitələrinin müəyyən edilməsi Meyarlarını təsdiq edib:

Bu meyarlar aşağıdakılardır:

- məhsulların reklam olunacağı ölkə (ölkələr) ilə Azərbaycan Respublikasının iqtisadi və ticarət əlaqələri;

- məhsulların reklam olunacağı ölkəyə (ölkələrə) Azərbaycan məhsullarının ixracı və ya ixrac potensialı;

- sahibkarlardan daxil olan müraciətlər

- reklam yerləşdiriləcək ictimai yerlərin əhalinin və nəqliyyat axınlarının sıx olduğu yerlərə aid olması,

- kütləvi informasiya vasitələrinin izləyici və ya oxucu kütləsinin genişliyi 

Xatırladaq ki, prezident İlham Əliyev bu il oktyabrın 5-də “Xarici ölkələrə ixrac missiyalarının təşkilinə, xarici bazarların araşdırılması və marketinq fəaliyyətinə, “Made in Azerbaijan” brendinin xarici bazarlarda təşviqinə, yerli şirkətlərin ixracla bağlı xarici ölkələrdə sertifikat və patent almasına, ixracla əlaqəli tədqiqat-inkişaf proqram və layihələrinə çəkilən xərclərin dövlət büdcəsi hesabına ödənilən hissəsinin müəyyənləşdirilməsi və ödənilmə mexanizminin tənzimlənməsi Qaydası”nı təsdiq edib.

Həmin fərmanla tədbirlərin dəstəklənməsi üçün İqtisadiyyat Nazirliyinə 3 mln manat ayrılıb. 08D