REAL fəalı Rahim Şaliyev bazar ertəsi Sumqayıt məhkəməsinin qərarı ilə 30 gün müddətinə inzibati həbs cəzasına məhkum edilib.
O, "kiçik xuliqanlıqda" və "polisə tabe olmamaqda" təqsirli bilinib.
Fəalın yaxınları və yoldaşları məhkəmə zalına buraxılmayıb.
REAL-dan Turana verilən məlumata görə, qərardan apelyasiya şikayəti veriləcək. Fəalın hüquqlarını vəkil Aqil Layıcov müdafiə edəcək. -06D-
2017 Fevral 20 (Bazar ertəsi) 15:35:58
Fevralın 20-də səhər REAL hərəkatının Sumqayıt təşkilatının fəalı Rahim Şaliyev saxlanılıb.
Polis gənci evindən götürüb və yerli polis şöbəsinə, oradan isə şəhər polis idarəsinə aparıb.
REAL-dakı mənbənin Turan-a verdiyi məlumata görə, gənc polisə tabe olmamaqda ittiham olunub. Onun bu gün məhkəməyə çıxarılacağı gözlənilir.
Hərəkatda hesab edirlər ki, Şaliyev fəal vətəndaş mövqeyinə və REAL-ın fəaliyyətində iştiraka görə təqib olunur.
Fəal həmçinin jurnalistika ilə məşğul olur, yazıları ölkənin müxtəlif KİV-lərində dərc olunur. -06D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz