Martın 1-dən etibarən Nəqliyyat, Rabitə və Yüksək Texnologiyalar Nazirlyinin “Bakı Telefon Rabitəsi” İstehsalat Birliyi də öncədən ödəniş sisteminə keçəcək. Bu haqda birliyin məlumatında bildirilir.
Məlumatda qeyd edilir ki, stasionar telefon rabitəsi xidmətləri üçün hər ayın əvvəlində öncədən ödəniş etmək lazımdır.
Yeni sistemə görə, abonentlər telefon rabitəsi üçün abunə haqlarını hər ayın 5-dək ödəməlidirlər. Ödəniş geciksə, ayın 6-da telefon xətti birtərəfli qaydada kəsiləcək. Ayın sonunda isə nömrə ikitərəfli qaydada bağlanacaq.
Birlik yeniliklə bağlı abonentləri sms vasitəsilə xəbərdar edib. Yeni sistemə keçidin səbəbləri haqda bilgi verilmir.
Qeyd edək ki, aylıq abunə haqqı əhali üçün 2,5, korporativ istifadəçilər üçün isə 7 manatdır. -0-
İqtisadiyyat
-
2024-cü ilin ilk on ayında Bakının ticarət dövriyyəsi ötən ilin eyni dövrü ilə müqayisədə 4,4% artaraq 28,2 milyard manat təşkil edib. Bu barədə Bakı Şəhər Statistika İdarəsi məlumat yayıb.
-
SOCAR və İtaliyanın Intesa Sanpaolo bankı arasında mühüm maliyyə əməkdaşlığı barədə razılaşma imzalanıb. Bu addım SOCAR-ın maliyyə imkanlarını gücləndirmək və yaşıl enerji sahəsindəki iddialı layihələri üçün resurs təmin etmək istiqamətində irəliləyiş kimi qiymətləndirilir.
-
2024-cü ilin ilk 11 ayında Azərbaycan turizm sektorunda güclü bir bərpa müşahidə edib. Dövlət Sərhəd Xidmətinin məlumatına əsasən, ölkəyə 2,41 milyon əcnəbi və vətəndaşlığı olmayan şəxs gəlib ki, bu da əvvəlki ilin eyni dövrü ilə müqayisədə 27,4% artım deməkdir. Bu artım Azərbaycanın turizm məkanı kimi artan cazibəsini, həmçinin mənbə bazarlarının müxtəlifləşdirilməsi və nəqliyyat infrastrukturunun təkmilləşdirilməsi ilə əlaqələndirilir.
-
Azərbaycanın sənaye sektoru 2024-cü ildə dayanıqlılıq nümayiş etdirmişdir. Dövlət Statistika Komitəsinin məlumatına görə, yanvar-noyabr aylarında ümumi istehsal həcmi 58,3 milyard manat təşkil etmiş və bu, 2023-cü ilin müvafiq dövrü ilə müqayisədə 1,1% artım deməkdir. Bu artım əsasən qeyri-neft və qaz sektorlarının güclü inkişafı ilə təmin edilmişdir və hesabat ölkənin iqtisadi prioritetlərində və istehsal dinamikasında tədricən baş verən mühüm dəyişiklikləri vurğulayır.
Rəy yaz